ازيا قالامگەرلەرىنىڭ تۇڭعىش فورۋمىنا قانداي تانىمال جازۋشىلار كەلەدى
قازاقستان جازۋشىلار وداعىنىڭ ءتوراعاسى ۇلىقبەك ەسداۋلەتتىڭ ايتۋىنشا، بۇل فورۋمعا اۋەلدە مو يان، ورحان پامۋك، حارۋكي مۋراكامي، كەندزابۋرو وە سياقتى نوبەل سىيلىعىنىڭ لاۋرەاتتارى مەن نومينانتتارى شاقىرىلعان ەكەن. الايدا نۇر- سۇلتانعا كەلۋگە تەك نوبەل سىيلىعىنىڭ 3 نومينانتى عانا مۇمكىندىك تاۋىپتى.
«نوبەل سىيلىعىنىڭ لاۋراەاتى كەندزابۋرو وەنىڭ جاسى 85 كە كەلىپتى. ۇزاق جولدى كوتەرە المايتىنىن ايتتى. ال ورحان پامۋك ا ق ش- قا كەتىپ بارا جاتقاندىقتان، تاعى بىردە كەلۋگە ۋادە بەردى. مو يان مىرزانى قىتاي جازۋشىلار وداعىنىڭ ءتورايىمى اكەلۋگە ۋادە بەرگەن. سويتسە، ول كىسى قىتاي اۋماعىنان جىلىنا ەكى- اق رەت شىعا الادى ەكەن. ەكى مۇمكىندىگىن دە پايدالانىپ قويعاندىقتان، ول دا بولاشاقتا كەلۋگە ۋادە بەردى» ، - دەيدى فورۋم يەسى.
ايتسە دە، فورۋمعا كەلە جاتقان 70 تەن استام اقىن- جازۋشىنىڭ ءبارى دە ءوز ەلىندە ەڭ تانىمال تۇلعالار دەۋگە بولادى. سولاردىڭ اراسىندا قىتاي مەملەكەتتىك سىيلىعىنىڭ يەگەرى، پەكيندىك جازۋشى، قانداسىمىز اكبار ءماجيت تە بار. جالپى بۇل فورۋمعا قىتاي ءوزىنىڭ 3 جازۋشىسىن جىبەرىپ وتىر. يراندىق ساييد حودي كيەساري دە پارسى الەمىندە كوزى ءتىرى جازۋشىلاردىڭ ەڭ تانىمالى سانالادى. رەسەيدەن اناتولي كيم باستاعان 5 ادەبيەتشى، ءۇندىستاننان «دۋرباپۋترا» رومانىنىڭ اۆتورى امار ميترا، مالايزيادان عالىم- اقىن مۋحاماد ساللەح، ۆەتنامنان «تەكسىز ادام تاريحى» كىتابىنىڭ اۆتورى حۋان دۋك سياقتى تانىمال ادەبيەت وكىلدەرى قاتىسادى دەپ جوسپارلانۋدا.
سونداي- اق، كۋۆەيت، يوردانيا، نەپال، برۋنەي، ساۋد اارابياسى، يندونەزيا، كامبودجا، تايلاند، جاپونيا، يراك، وزبەكستان، شري- لانكا سياقتى 38 ەلدىڭ اقىن- جازۋشىلارى ءۇش كۇن بويى ادەبيەت الەمىنە قاتىستى وزەكتى ماسەلەلەردى تالقىلاماق.
سولاردىڭ ىشىندە نوبەل سىيلىعىنىڭ نومينانانتتارى كورەيالىق كو ىن، موڭعوليالىق مەند وەو، كاتارلىق موزا ءال مالكي بار.
ەسكە سالساق، 4-6 - قىركۇيەك كۇندەرى ەلوردادا ازيا ەلدەرى قالامگەرلەرىنىڭ تۇڭعىش فورۋمى وتەدى.
