ازيادا نوبەل سىيلىعىنىڭ بالاماسى پايدا بولۋى مۇمكىن
سوعان بايلانىستى ورتالىق كوممۋنيكاتسيالار قىزمەتىندە باسپا ءسوز كونفەرەنتسياسى ءوتتى. وعان ق ر مادەنيەت جانە سپورت ۆيتسە- ءمينيسترى نۇرعيسا داۋەشوۆ، قازاقستان جازۋشىلار وداعى باسقارماسىنىڭ ءتوراعاسى ۇلىقبەك ەسداۋلەت، قازاقستان جازۋشىلار وداعى باسقارما ءتوراعاسىنىڭ ءبىرىنشى ورىنباسارى اقبەرەن ەلگەزەك جانە فورۋمعا ارنايى قوناق بولىپ كەلىپ وتىرعان ازەربايجان جازۋشىلار وداعىنىڭ ءتوراعاسى، بەلگىلى جازۋشى، دراماتۋرگ انار رزايەۆ قاتىستى. باسپاءسوز جيىنىندا مادەنيەت جانە سپورت ۆيتسە- ءمينيسترى نۇرعيسا داۋەشوۆ ايتۋلى شارانىڭ ماڭىزىنا توقتالدى. «فورۋمعا ازيا قۇرلىعىندا ورنالاسقان ەلدەردىڭ قالامگەرلەرى شاقىرىلدى. ونىڭ اراسىندا نوبەل سىيلىعىنىڭ نومينانتتارى، بۋكەر جانە ASEAN سىيلىقتارىنىڭ لاۋرەاتتارى بار. اۋقىمدى شارانىڭ نەگىزگى ماقساتى - ازيا ادەبيەتىنىڭ بولاشاعىنا قاتىستى كۇردەلى ماسەلەلەردى بىرلەسىپ شەشۋ» ، - دەدى ول.
باسپاءسوز ءماسليحاتىندا ازيا ەلدەرىنىڭ قالامگەرلەرىنىڭ فورۋمىن ءۇش جىلدا ءبىر رەت ءداستۇرلى وتكىزۋ تۋرالى دا ءسوز بولدى. سونداي- اق ازيا ەلدەرىنىڭ فورۋمىن ۇيىمداستىرۋ جانە وتكىزۋ جونىندەگى حالىقارالىق كوميتەت قۇرۋ تۋرالى ۇسىنىس ورتاعا سالىنادى.
«كوميتەتتىڭ شتاب- پاتەرى نۇر- سۇلتان قالاسىندا ورنالاسۋ مۇمكىندىگى قاراستىرىلادى. سونىمەن قاتار فورۋمعا قاتىسۋشىلار اتىنان ازيا قالامگەرلەرىنىڭ ورتاق بىرلەستىگىن قۇرۋ جانە نوبەل سىيلىعىنا بالاما رەتىندە ازيا اقىن- جازۋشىلارىنا «ازيا» اتتى حالىقارالىق سىيلىق تاعايىنداۋ ۇسىنىلادى. جانە دە قالامگەرلەردىڭ حالىقارالىق كىتاپ جارمەڭكەلەرىنە تۇراقتى تۇردە قاتىسۋعا ىقپال جاساۋ ماقساتىندا كەلىسسوز جۇرگىزىلەدى» ، - دەدى ۆيتسە- مينيستر.
www.24.kz
