ا ق ش تا جاس ءوسپىرىم ءوزىنىڭ وتباسى مۇشەلەرىن اتىپ تاستادى
ۆاشينگتون. قازاقپارات - الاباما شتاتى، ەلكمونت قالاسىندا ون ءتورت جاستاعى جاس ءوسپىرىم وتباسىنىڭ بەس مۇشەسىن اتىپ تاستادى، دەپ حابارلايدى قازاقپارات CNN گە سىلتەمە جاساپ.
پوليسيانىڭ مالىمەتىنشە، جاس ءوسپىرىم قىلمىس جاساعانىن مويىنداعان.
بۇعان دەيىن حابارلانعانداي، 31 - تامىزدا 10 جاس ءوسپىرىم الاباما شتاتى، موبيل قالاسىندا ستاديوندا بولعان اتىس سالدارىنان جاراقات العان. 1 - قىركۇيەكتە تەحاستاعى اتىستان 5 ادام قازا تاۋىپ، 21ءى جاراقاتتاندى.
