پرەزيدەنت جولداۋىندا قازاق ءتىلىنىڭ اياسىن كەڭەيتەتىن جولدى اتادى
قازاقستان جازۋشىلار وداعىنىڭ ءتوراعاسى، اقىن ۇلىقبەك ەسداۋلەت وسىنداي پىكىر ءبىلدىردى، دەپ حابارلايدى قازاقپارات ءتىلشىسى.
اقىننىڭ ايتۋىنشا، مەملەكەتتىك ءتىلدى ۇلتارالىق تىلگە اينالدىرۋ تۋرالى ۇسىنىس قازاق ءتىلىنىڭ تىنىسىن كەڭەيتپەك.
«جولداۋداعى تاعى ءبىر كوكەيگە قونعان ماسەلە - مەملەكەتتىك ءتىل ماسەلەسى. «قازاق ءتىلى ۇلتارالىق تىلگە اينالۋ كەرەك» ، - دەدى. بۇرىن- سوڭدى مەملەكەت باسشىسىنىڭ دەڭگەيىندە مۇنداي ءسوز ايتىلماعان ەدى. وسى ءسوز قازاق تىلىنە، ونى انا ءتىلى سانايتىن بىزگە ۇلكەن مۇمكىندىك تۋعىزىپ وتىر. مەملەكەتتىك ءتىلىمىزدىڭ قولدانۋ اياسىن كەڭەيتۋ ءۇشىن كۇرەسەمىز دەپ ءجۇرمىز عوي. ەندەشە، ونى ۇلتارالىق تىلگە اينالدىرىڭدار دەپ، قولاي تۋعىزىپ وتىر. بۇل جەردە پرەزيدەنت ءجون سىلتەدى. ال ونى ىسكە اسىرۋ تەتىكتەرى تىلدەردى دامىتۋعا، مەملەكەتتىك ەمەس ۇيىمدارعا بولىنەتىن قارجى ەسەبىنەن ىسكە اسۋى ءتيىس. سولاردىڭ اياسىندا جاقسى جوبالار جاساپ، قازاق ءتىلىن شىن مانىندە ۇلتارالىق تىلگە اينالدىرۋ مۇمكىندىگى بەرىلىپ وتىر. سونى دۇرىس پايدالانۋ كەرەك، - دەدى جازۋشىلار وداعىنى باسشىسى.
ەسكە سالساق، مەملەكەت باسشىسى قاسىم- جومارت توقايەۆ ءوز جولداۋىندا قازاق ءتىلىنىڭ ۇلتارالىق قاتىناس تىلىنە اينالاتىن كەزەڭى كەلگەنىن ايتقان بولاتىن.
