سەرىك ساپيەۆ: سپورتقا دەگەن قىزىعۋشىلىقتى بالانىڭ بويىندا ەرتە جاستان وياتۋ قاجەت

نۇر- سۇلتان. قازاقپارات - بۇقارالىق سپورتتى دامىتۋ - جەرگىلىكتى اتقارۋشى ورگاندار مەن بارلىق دەڭگەيدەگى سپورتتىق مەكەمەلەردىڭ باستى مىندەتى بولىپ قالا بەرەدى.

مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپيەۆ پرەزيدەنتتىڭ بۇقارالىق سپورتتى دامىتۋ تاپسىرماسىنا بايلانىستى قانداي شارالار قولعا الىناتىنىن ايتىپ بەردى، دەپ حابارلايدى قازاقپارات ءتىلشىسى.

«پرەزيدەنت قاسىم- جومارت كەمەل ۇلى قازاقستان حالقىنا جولداۋىندا جاس ەرەكشەلىكتەرىنە قاراماستان، بۇقارا اراسىندا سالاۋاتتى ءومىر سالتىن ناسيحاتتاپ، سپورتتى دامىتۋ قاجەت ەكەندىگىن دە ايتتى. بۇل وتە ماڭىزدى مىندەت دەپ ايتار ەدىم» ، - دەيدى سەرىك ساپيەۆ.

جازعى وليمپيادا ويىندارىنىڭ چەمپيونى ءوز سوزىندە مادەنيەت جانە سپورت مينيسترلىگى وسى ورايدا قارقىندى جۇمىس جۇرگىزىپ جاتقانىن اتاپ ءوتتى.

«مينيسترلىك العا قويعان مىندەتتەردى ىسكە اسىرۋدىڭ اياسىندا 2018 -جىلدىڭ قورىتىندىسى بويىنشا حالىقتىڭ 29,8 پايىزى دەنە شىنىقتىرۋ جانە سپورتپەن اينالىساتىنى بەلگىلى بولىپ وتىر. بۇل رەسپۋبليكانىڭ سپورتپەن شامامەن 5,5 ميلليون ادامنىڭ اينالىساتىىن بىلدىرەدى. 2019 -جىلدىڭ ءبىرىنشى جارتىجىلدىعىندا رەسپۋبليكا بويىنشا 2,7 ميلليوننان استام ادامدى قامتىعان 27 مىڭنان استام سپورتتىق ءىس- شارا وتكىزىلدى. ونىڭ ىشىندە 1,1 ميلليوننان استام ادامدى قامتيتىن 16 مىڭنان استام سپورتتىق ءىس- شارا اۋىلدى جەرلەردە ۇيىمداستىرىلدى» ، - دەيدى ول.

سەرىك ساپيەۆ سونداي- اق، پرەزيدەنتتىڭ ءوز جولداۋىندا سپورت ينفراقۇرىلىمىن دامىتىپ، بالالار جانە جاسوسپىرىمدەر سپورتىنا باسىمدىق بەرۋ تۋرالى تاپسىرماسى ورىندالاتىنىن ايتىپ ءوتتى.

«حالىق اراسىندا بۇقارالىق سپورتتى دامىتىپ، كەڭىنەن ناسيحاتتاۋ ءۇشىن سپورتقا دەگەن قىزىعۋشىلىقتى ەرتە جاستان باستاپ وياتۋ قاجەت. بالالار مەن جاستاردى سپورتقا باۋلۋ - ۇلت دەنساۋلىعىنىڭ كەپىلى. جەرگىلىكتى اتقارۋشى ورگانداردىڭ ۇسىنعان ستاتيستيكاسىنا سايكەس، ەلىمىزدە مەكتەپ جاسىنداعى بالالاردىڭ قاتارىندا 1,8 ميلليون بالا دەنە شىنىقتىرۋ جانە سپورتپەن اينالىسادى. حالىقتىڭ سپورتپەن جاپپاي شۇعىلدانۋى ءۇشىن سپورتتىق ينفراقۇرىلىمدى دامىتۋ قاجەت. ەلىمىزدە 11,1 مىڭ دەنە شىنىقتىرۋ جانە سپورت نىسانى بار. الايدا بۇل حالىقتىڭ سپورتتىق نىساندارعا دەگەن قاجەتتىلىگىن جابۋعا ازدىق ەتەدى. بۇگىن دە ءبىز 100 دەنە شىنىقتىرۋ- ساۋىقتىرۋ كەشەنىن سالۋ تاپسىرماسىن ورىنداۋدامىز» ، - دەيدى ول.

 سەرىك ساپيەۆتىڭ ايتۋىنشا، جۇرگىزىلگەن تالداۋ جۇمىستارىنىڭ ناتيجەسىندە، وڭىرلەردە سپورت زالدارعا دەگەن قاجەتتىلىك 1 ميلليون 457 مىڭ شارشى مەتردى قۇرايتىنى بەلگىلى بولدى.

 «وسى ورايدا مينيسترلىك 2019 -جىلى سالىناتىن جوبالار ءتىزىمىن ناقتىلادى. 22 دەنە شىنىقتىرۋ- ساۋىقتىرۋ كەشەنى، 2020 -جىلى - 34, 2021 -جىلى -  44 نىسان سالىنادى. ايماقتاردا دەنە- شىنىقتىرۋ ساۋىقتىرۋ كەشەندەرىنىڭ 100, 160 جانە 320 ورىندىق تيپتىك جوبالارى قاراستىرىلعان. جوعارىدا اتالعان كەشەندەردىڭ قۇرىلىسى جەرگىلىكتى بيۋدجەت جانە دەمەۋشىلەر قاراجاتى ەسەبىنەن جۇزەگە اسىرىلادى. بۇقارالىق سپورتتى دامىتۋ -  جەرگىلىكتى اتقارۋشى ورگاندار مەن بارلىق دەڭگەيدەگى سپورتتىق مەكەمەلەردىڭ باستى مىندەتى بولىپ قالا بەرەدى» ، - دەدى سەرىك ساپيەۆ.

ەسكە سالا كەتسەك، كۇنى كەشە قازاقستان حالقىنا جولداۋىن جاريالاعان مەملەكەت باسشىسى قاسىم- جومارت توقايەۆ بۇقارالىق سپورتتى دامىتۋدا كەشەندى باعدارلاما قابىلداۋ كەرەكتىگىن مالىمدەگەن بولاتىن.

«ۇلت دەنساۋلىعىن بەكەمدەۋ ماسەلەسى دە وتە وزەكتى. بارلىق جاس ساناتتارى اراسىندا بۇقارالىق سپورت تۇرلەرىن ناسيحاتتاي بەرۋ كەرەك. بالالار ءۇشىن سپورتتىق ينفراقۇرىلىمنىڭ بارىنشا قولجەتىمدى بولۋىن قامتاماسىز ەتۋ كەرەك» ، - دەدى پرەزيدەنت.