قازاق كينولارى شۆەتسيادا كورسەتىلۋدە
«قازاقفيلم» كينوستۋدياسىنىڭ حابارلاۋىنشا، اتالعان مادەني ءىس-شارا اقان ساتايەۆتىڭ «اناعا اپارار جول» فيلمىمەن اشىلعان. بۇل تاريحي كينوتۋىندىنى كورەرمەندەرگە فيلمدە باستى ءرولدى سومداعان اكتريسا التىناي نوگەربەك تانىستىردى.
سونىمەن قاتار، فەستيۆال بارىسىندا بولات قالىمبەتوۆتىڭ «تالان»، تۇردىبەك مايدان جانە تىلەك تولەۋعازى تۇسىرگەن «مۇزبالاق» انيماتسيالىق فيلمى، باقىت قايىربەكوۆتىڭ «قۇتىدا جانعان الاۋ» دەرەكتى فيلمى، ەرلان نۇرمۇحامبەتوۆتىڭ «جاڭعاق تال»، فارحات ءشارىپوۆتىڭ «تۇلعالىق ءوسۋ ترەنينگى»، ءادىلحان ەرجانوۆتىڭ «ءتۇن قۇدايى» جانە رۇستەم ابدىراشەۆتىڭ «قازاق حاندىعى. الماس قىلىش» فيلمدەرى كورسەتىلدى. شۆەتسيانىڭ كورەرمەندەرىنە وتاندىق تۋىندىلاردى «قازاق فيلم» كينوستۋدياسىنىڭ رەسمي وكىلى، پروديۋسەر ديانا ءاشىموۆا تانىستىردى.
ايتا كەتسەك، فيلمدەردىڭ بارلىعى تەگىن كورسەتىلدى.
ەسكە سالا كەتسەك، كوممەرتسيالىق ەمەس «شۆەتسياداعى قازاقستان جاستارى» ۇيىمىنىڭ باستى ماقساتى - ەكى ەلدىڭ دوستىعى مەن تىعىز بايلانىستارىن نىعايتۋ، سونداي-اق شۆەتسيا مەن قازاقستان جاستارىنىڭ اراسىندا مادەني ديالوگ ورنالاستىرىپ، تاجىريبە الماسۋعا مۇمكىندىك جاساۋ.
