ق ر سەناتىنىڭ جاڭا ۆەب- سايتتى ىسكە قوسىلدى
ۆەب- سايتقا https://senate.parlam.kz/ سىلتەمەسى ارقىلى كىرۋگە بولادى.
جاڭارتىلعان رەسمي سايت ارقىلى سەناتورلارمەن بايلانىس جاساۋ مۇمكىندىگى كەڭەيدى. سەنات دەپۋتاتتارىنىڭ جەكە پاراقشالارىندا ءوتىنىش نە قىزىقتىراتىن سۇراقتاردى قالدىرۋعا بولادى. زاڭ جوباسىن ۇسىنۋ ايدارىندا كەز كەلگەن ازامات تۇراقتى كوميتەتتەردىڭ قاراۋىنا زاڭداردى ۇسىنا الادى. سونداي-اق، پورتالدا ماڭىزدى قۇجاتتار، زاڭ جوبالارى، ستەننوگراممالار تولىعىمەن جاريالاندى. دەپۋتاتتىق ساۋالدار مەن پالاتانىڭ ۇسىنىستارىن بولەك ايداردان كورۋگە بولادى.
سەناتتىڭ پلەنارلىق وتىرىستارى، كوميتەت جيىندارى مەن باسقا دا ءىس-شارالارى تىكەلەي ەفير ارقىلى كورسەتىلەدى.
سايت ارقىلى سەناتتىڭ الەۋمەتتىك جەلىلەردەگى رەسمي پاراقشالارىنا دا وتۋگە بولادى. جاڭالىقتاردى الەۋمەتتىك جەلىلەر ارقىلى وقيتىندار ءۇشىن:
https://www.instagram.com/senate_kz/
https://www.facebook.com/senat.qazaqstan/
https://www.youtube.com/channel/UCN7ci5peVk5J1KdWckbyKBA
ەستەرىڭىزگە سالا كەتەيىك، سەنات ءتوراعاسى داريعا نازاربايەۆا IV سەسسيا قورىتىندىسى بويىنشا وتكەن سەنات وتىرىسىندا پالاتا قىزمەتى بارىنشا اشىق بولاتىنىن ايتقان ەدى.
«بۇل باعىتتا ءبىرقاتار جۇمىستار قولعا الىندى. سەناتتىڭ سايتى جاڭارتىلىپ، پارلامەنت جوعارعى پالاتاسىنىڭ زاڭنامالىق جانە جۇمىس ماتەريالدارىنا كۇزدەن باستاپ قول جەتىمدى بولادى»، - دەدى د. نازاربايەۆا.
