الەمدىك دوداداعى تۇڭعىش قازاق ءۇشىنشى جەڭىسى ءۇشىن قانشا سىياقى الدى

نۇر-سۇلتان قازاقپارات - رەسەيلىك قانداسىمىز دامير ىسماعۇلوۆتىڭ UFC پروموۋشەنىندەگى ءۇشىنشى جەڭىسى ءۇشىن قانشا سىياقى العانى بەلگىلى بولدى، دەپ حابارلايدى vesti.kz llfight.ru سايتىنا سىلتەمە جاساپ.

 بۇل كەزدەسۋدە ىسماعۇلوۆ 31 مىڭ 500 دوللار ۇتىپ الدى. مۇنداعى  14000 - جۇدىرىقتاسقانى ءۇشىن، 14000 - جەڭىس جانە 3500 - Reebok كومپانياسىنىڭ دەمەۋشىلىك تولەمى كىرەدى. قازاق فايتەردىڭ قارسىلاسى برازيليالىق تياگو مويزەس بۇل جەكپە- جەك ءۇشىن 15500 دوللار الدى (12000 جۇدىرىقتاسقانى ءۇشىن جانە 3500 - Reebok كومپانياسىنىڭ دەمەۋشىلىك تولەمى) .

ەسكە سالايىق، 31 -تامىزدا ىسماعۇلوۆ قىتايدىڭ شىنجىن قالاسىندا وتكەن UFC Fight Night 157 تۋرنيرىندە مويزەستەن باسىم بولىپ، UFC پروموۋشەنىندەگى ءۇشىنشى جەڭىسىنە قول جەتكىزدى. جەكپە- جەك تولىق ءۇش راۋندا ءوتتى، ونىڭ قورىتىندىسى بويىنشا قازاق فايتەر تورەشىلەر شەشىمىمەن جەڭدى.

www.24.kz