ق ر ۇلتتىق ۇلانىنىڭ وركەسترى ماسكەۋدە ونەر كورسەتتى

ماسكەۋ. قازاقپارات - قازاقستان ۇلتتىق ۇلانىنىڭ ۇلگىلى- كورسەتىلىمدىك وركەسترى «سپاسسكايا باشنيا» حالىقارالىق اسكەري-مۋزىكالىق فەستيۆالى اياسىندا ماسكەۋدىڭ لەنينگراد ۆوكزالىندا ونەر كورسەتتى، دەپ حابارلايدى «قازاقپارات» ح ا ا- نىڭ ارناۋلى ءتىلشىسى.

بيىلعى جىلى «سپاسسكايا باشنيا» فەستيۆالىنە قازاقستان اتىنان ق ر ۇلتتىق ۇلانىنىڭ ۇلگىلى-كورسەتىلىمدىك وركەسترى مەن قۇرمەتتى قاراۋىل روتاسى قاتىستى. ولار ءۇشىن بۇل قىزىل الاڭداعى العاشقى ونەر كورسەتۋلەرى بولدى.

«ءوز رەپەرتۋارىمىزدا ۇلتتىق ەرەكشەلىگىمىزدى كورسەتىپ، رەسەيلىك جانە شەتەلدىك كورەرمەندەردى قازاق دالاسىنىڭ فولكلورىمەن تانىستىرعىمىز كەلەدى»، - دەدى ۇلتتىق ۇلاننىڭ ۇلگىلى-كورسەتىلىمدىك وركەسترىنىڭ باسشىسى، اعا لەيتەنانت تورەحان ءجاۋدىنوۆ.

قازىرگى «سپاسسكايا باشنيا» فەستيۆالىنە 12 ەلدەن 30 ۇجىم قاتىسۋدا. ولاردىڭ قاتارىندا قازاقستان، ازەربايجان، بەلارۋس، مىسىر، يتاليا، قىتاي، ك ح د ر، نورۆەگيا، كورەيا رەسپۋبليكاسى، رەسەي، تۇركيا، جاپونيا جانە حالىقارالىق ەكى توپ - ۆولىنكا مەن باراباننىڭ كەلت وركەسترى جانە كەلت بيلەرىنىڭ كومانداسى بار.

قازاقستاندىق وركەستر «سپاسسكايا باشنيا» فەستيۆالىن ا. بەستىبايەۆتىڭ «جورعا» انىنەن باستادى. ودان كەيىن ماسكەۋلىك كورەرمەندەر «جەز كيىك» كومپوزيتسياسىمەن بىرگە قازاقتىڭ ءبي فولكلورىمەن تانىستى. بۇدان بولەك، وركەستر «يز-زا وستروۆا نا سترەجەن» ورىستىڭ حالىق ءانىن ورىندادى.

«سپاسسكايا باشنيا» جىل سايىنعى حالىقارالىق اسكەري-مۋزىكالىق فەستيۆالى العاش رەت ماسكەۋدە 2006-جىلى وتكەن ەدى. 12 جىل ىشىندە فەستيۆالگە 54 ەلدەن 160 تان استام ۇجىم قاتىسىپ، الەمنىڭ ەڭ تانىمال اسكەري-مۋزىكالىق فەستيۆالدەرىنىڭ ۇشتىگىنە ەندى. قازىرگى تاڭدا ول رەسەيدىڭ ەڭ ءىرى حالىقارالىق مادەني جوباسى بولىپ تابىلادى. فەستيۆال 23- تامىز-1- قىركۇيەك ارالىعىندا ءوتتى.