ا ق ش پرەزيدەنتى داۋىلدى ەسكەرتۋدەن كەيىن پولشاعا جوسپارلاعان ساپارىن كەيىنگە قالدىردى
نۇر-سۇلتان. قازاقپارات - «دوريان» داۋىلى باگام ارالدارىنا جەتىپ، ەندى ا ق ش- تىڭ وڭتۇستىك-شىعىسىنا قاراي جاقىنداپ كەلەدى.
تابيعي اپات ءبىرىنشى بولىپ اباكو ارالىن زاقىمداعان، وندا جەلدىڭ ەكپىنى ساعاتىنا 354 شاقىرىمعا جەتكەن، دەپ حابارلايدى قازاقپارات euronews.com سايتىنا سىلتەمە جاساپ.
بۇل 1980-جىلى اتلانت تەڭىزىندە بولعان «اللەنا» - دان كەيىنگى ەكىنشى الاپات داۋىل. ال باگام ارالدارىنىڭ تۇرعىندارى وسىنداي سۇراپىل داۋىلمەن العاش رەت كەزدەسىپ وتىر.
ا ق ش بيلىگى فلوريدا، دجوردجيا جانە وڭتۇستىك كارولينا شتاتتارىندا توتەنشە جاعداي رەجىمىن ەنگىزدى.
ا ق ش پرەزيدەنتى دونالد ترامپ پولشاعا جوسپارلاعان ساپارىن كەيىنگە قالدىردى. ول «دورياننىڭ» كۇشىن باعالاماۋعا بولمايتىنىن اتاپ ءوتتى. سەبەبى، ول ەلگە ايتارلىقتاي زالال كەلتىرۋى مۇمكىن.
