قازاقستان رەسەيلىكتەر ەڭ كوپ باراتىن ەلدەردىڭ بەستىگىنە ەندى
بۇل تۋرالى «تۋرستات» رەسەيلىك تۋريستىك پورتالى ءمالىم ەتتى، دەپ حابارلايدى قازاقپارات ءتىلشىسى.
پورتالدىڭ حابارلاۋىنشا، رەسەيلىك تۋريستەر بيىلعى ءبىرىنشى جارتىجىلدىقتا ەڭ كوپ بارعان ەلدەردىڭ وندىعى تومەندەگىدەي (2018 -جىلمەن سالىستىرعانداعى ستاتيستيكامەن بىرگە):
1. تۇركيا، 2,649 مىڭ ساپار (%16+)، +368 مىڭ ساپار؛
2. ابحازيا، 1,852 مىڭ ساپار (%6+)؛
3. فينليانديا، 1,644 مىڭ ساپار (%5,5+)، 85+ مىڭ ساپار؛
4. قازاقستان، 1,371 مىڭ ساپار (%6,5+) ، +84 مىڭ ساپار؛
5. قىتاي، 1,077 مىڭ ساپار (%19+)، 169+ مىڭ ساپار؛
6. ۋكراينا، 1,057 مىڭ ساپار (%2-)، -17 مىڭ ساپار؛
7. ەستونيا، 847 مىڭ ساپار (%1-)، 11- مىڭ ساپار؛
8. تايلاند، 654 مىڭ ساپار (%4-)، -25 مىڭ ساپار؛
9. گرۋزيا، 630 مىڭ ساپار (%30+)، 147+ مىڭ ساپار؛
10. گەرمانيا، 628 مىڭ ساپار (%6+)، +37 مىڭ ساپار.
تۋرستاتتىڭ مالىمەتىنە قاراعاندا، تۇركيا مەن قىتاي رەسەيلىكتەر بيىل ەڭ كوپ بارعان ەلدەر. تۇركياعا بيىل 368 مىڭ رەسەيلىك تۋريست ارتىق بارعان. سول سەكىلدى قىتاي (169+ مىڭ)، گرۋزيا (147+ مىڭ) ، يتاليا (96+ مىڭ)، فينليانديا (85+ مىڭ)، قازاقستان (84+ مىڭ)، چەرنوگوريا (46+ مىڭ)، يسپانيا (30+ مىڭ)، ارمەنيا (30+ مىڭ) مەن فرانسياعا (25 +مىڭ) بارعىسى كەلەتىن ر ف ازاماتتارىنىڭ سانى ارتىپ كەلەدى. رەيتينگ رەسەيدىڭ جىل باسىنان بەرگى تۋريستىك ستاتيستيكاسىنا سۇيەنىپ جاسالدى.
