قازاقستاندا بيىل ءبىرىنشى سىنىپقا قانشا وقۋشى بارادى
ەلىمىزدە العاش رەت 400 مىڭنان استام ءبىرىنشى سىنىپ وقۋشىسى مەكتەپ تابالدىرىعىن اتتايدى. «جاڭا 2019-2020 وقۋ جىلىندا رەسپۋبليكادا 7 مىڭنان استام مەملەكەتتىك مەكتەپتەرىندە 3 ميلليوننان استام وقۋشى وقۋىن جالعاستىرادى. العاش رەت 400 مىڭنان استام ءبىرىنشى سىنىپ وقۋشىسى مەكتەپ تابالدىرىعىن اتتايدى. ءبىلىم كۇنى وقۋشىلاردى 300 مىڭعا جۋىق پەداگوگ قارسى الادى. 10 مىڭنان استام جاس پەداگوگ كاسىبي قىزمەتكە كىرىسەدى»، - دەلىنگەن مينيسترلىك حابارلاماسىندا.
العاشقى رەت ءبىلىم كۇنى مەكتەپ وقۋشىلارى، ولاردىڭ اتا-انالارى مەن مۇعالىمدەردىڭ اراسىندا الەۋمەتتىك جەلىلەردە 1-2 مينۋتتىق جاعىمدى بەينەروليك ورنالاستىرۋ بويىنشا «سانالى ۇرپاق - جارقىن بولاشاق» اتتى رەسپۋبليكالىق ينتەرنەت-ناۋقان وتەدى.
رەسپۋبليكالىق بيۋدجەت ەسەبىنەن 115 مەكتەپ سالىنادى، ونىڭ ىشىندە 57 وبەكت اعىمداعى جىلى ىسكە قوسىلادى. جەرگىلىكتى بيۋدجەت قاراجاتى ەسەبىنەن 79 مەكتەپ، 19 مەكتەپ جانىنان عيمارات سالىنۋدا، ونىڭ ىشىندە 4 مەكتەپ، 8 مەكتەپ جانىنان عيمارات ىسكە قوسىلادى. وسى كۇنى رەسپۋبليكانىڭ اقتوبە، الماتى، قىزىلوردا، جامبىل، باتىس قازاقستان، تۇركەستان، وبلىستارىندا جانە نۇر-سۇلتان قالاسىندا جاڭا ءبىلىم بەرۋ وبەكتىلەرى اشىلادى. سونداي-اق، 1 -قىركۇيەك كۇنى ءبىلىم بەرۋ ۇيىمدارىندا جاڭا 2019-2020 وقۋ جىلىنىڭ باستالۋىنا ارنالعان ءداستۇرلى سالتاناتتى لينەيكالار وتەدى. وبلىس اكىمدەرى، نۇر-سۇلتان، الماتى، شىمكەنت قالالارىنىڭ اكىمدەرى، بارلىق دەڭگەيدەگى جەرگىلىكتى اتقارۋشى ورگانداردىڭ وكىلدەرى دە مەكتەپ لينەيكالارىنا قاتىسادى.
