10:39, 31 - تامىز 2019 | GMT +6
بانكوماتتا كەزەكتە تۇرعان ازاماتتار تۇتقىندالۋدا
نۇر-سۇلتان. قازاقپارات - تۇركىمەنستاننىڭ لەباپ وبلىسىندا قولما قول اقشا الۋ ءۇشىن بانكوماتتا كەزەكتە تۇرعان ازاماتتار تۇتقىندالۋدا.
ولاردى تەرگەپ، ەندى كەزەكتە تۇرماۋلارىن تالاپ ەتۋدە. جەرگىلىكتى مەملەكەتتىك مەكەمەلەر مەن باسقا ۇيىمدار دا جينالىس وتكىزىپ، تۇرعىنداردان كەزەكتە تۇرماۋلارىن سۇراۋدا.
ازاماتتاردىڭ تۇتقىنعا الىنىپ جاتقاندىعى تۋرالى اقپارات ەل پرەزيدەنتىنىڭ ورتالىق بانكتىڭ ءتوراعاسىنا «بانكومات جۇمىستارىنا باقىلاۋدى السىرەتكەنى ءۇشىن» سوگىس جاريالاعانىنان كەيىن تۇسكەن.
تۇركىمەنستاندا مەملەكەتتىك قىزمەتكەرلەردىڭ جالاقىسى، زەينەتاقى، جاردەماقى، شاكىرتاقىلار كارتاعا تۇسەدى. ازاماتتارعا كۇنىنە 200 مانات (57 دوللار) قانا شەشۋگە رۇقسات ەتىلگەن. ال ازاماتتار بانكوماتتاردا كەزەكتە ءتۇنى بويى تۇرۋدا.
دەرەككوز: كوررەسپوندەنت
