جاڭا تەلەحيكايا «حابار» ارناسىندا كورەرمەنگە جول تارتپاق
سولاردىڭ ءبىرى - «بالتاكولدە باقىتىم» دەپ اتااتىن تەلەحيكايا. بۇل تۋىندى ۇستازداردىڭ مارتەبەسىن كوتەرۋدى ماقسات تۇتقان. ول كۇزدىڭ العاشقى كۇنى كورەرمەنگە جول تارتادى. 25 جاستاعى داۋرەن پەداگوگيكالىق ينستيتۋتتىڭ تۇلەگى. ول اسكەرگە بارماۋ ءۇشىن جوعارى وقۋ ورنىنا ءتۇسىپ، بالى ەڭ تومەن فاكۋلتەتتى تاڭدايدى. ونىڭ ماقساتى - بالا وقىتۋ ەمەس، وقۋىن تامامداعان سوڭ جەكە كاسىبىن اشۋ. الايدا، جاس جىگىتتىڭ تاعدىرى مۇلدە باسقا باعىتتا ءوربيدى. ول وقۋ ورنىنىڭ تالابىمەن الىس اۋىلدىڭ مەكتەبىنە اتتانادى.
بولات ءابدىلمانوۆ، ق ر ەڭبەك سىڭىرگەن قايراتكەرى:
- سەريالدىڭ نەگىزگى ماقساتى ۇستازدى - قۇرمەتتەۋ، ۇستازدى ۇلىقتاۋ، ۇستازدى بيىككە كوتەرۋ. ءوزى قالانىڭ بالاسى، سول اۋىلعا بارىپ، اۋىلعا دەگەن ءوزىنىڭ وي- پىكىرىن وزگەرتىپ، ناعىز ءوزىنىڭ باقىتىن تاپقانى تۋرالى باياندالادى.
تەلەسەريالداعى نەگىزگى وقيعا تۇركىستان قالاسىنىڭ ماڭىنداعى بالتاكول اۋىلىندا تۇسىرىلگەن. «قاربالاسقا تولى اۋىل تىرشىلىگى، شاشىنىڭ ءار تالى شاكىرت تاربيەسى ءۇشىن اعارعان اۋىل ۇستازىنىڭ ءومىرى كورەرمەنگە وي سالادى»، - دەيدى فيلم رەجيسسەرى. نەگىزگىسى - ادامنىڭ ومىردەن ءوز جولىن تابۋى.
مەدەت ىلگەدايەۆ، قويۋشى- رەجيسسەر:
- ادام ءوزىنىڭ بويىنداعى قاسيەتىن كەيدە اشا الماي، كورە الماي نەمەسە باعالاي الماي جاتادى. بۇل جەردە ونى سەزىنە ءبىلۋى، ودان كەيىن جانىنداعى ونىمەن ارالاسقان ادامداردىڭ ارقاسىندا سول ناتيجەگە جەتۋى سۋرەتتەلەدى. قالالىق جىگىتتىڭ اۋىلدا ءبىرجولا قالۋىنا نە سەبەپ بولدى؟ داۋرەن و باستاعى ماقساتى كاسىپكەرلىككە قول جەتكىزدى مە الدە اسكەرگە اتتاندى ما؟ مۇنى 2 - قىركۇيەكتەن باستاپ «حابار» تەلەارناسىندا كورسەتىلەتىن 15 ءبولىمدى «بالتاكولدە باقىتىم» تەلەحيكاياسىنان بىلە الاسىزدار.
