استانالىقتار قالالىق دامۋ اكسەلەراتورىنىڭ جۇمىسىنا بەلسەنە قاتىسۋدا

نۇر- سۇلتان. قازاقپارات -  تاياۋ كۇندەرى كوندومينيمۋم تۇرعىندارىنىڭ كوپتەگەن پروبلەمالارى: كولىك، قالانى سانيتارلىق تازارتۋ جانە باسقا دا ماسەلەلەر دامۋ اكسەلەراتورىنىڭ كومەگى ارقىلى ەلوردانىڭ بەلسەندى تۇرعىندارىنىڭ ارالاسۋىمەن بىرلەسىپ شەشىلەتىن بولادى، دەپ حابارلايدى ەلوردا اكىمدىگىنىڭ رەسمي سايتى.

استانالىق گۋليا ءابدىروۆا اكسەلەراتور تۋرالى الەۋمەتتىك جەلىدەن بىلگەن.

«اكسەلەراتور تۋرالى فەيسبۋكتەن ءبىلدىم. ونىڭ پروبلەمانى 100 كۇننىڭ ىشىندە شەشۋ تۋرالى ۇسىنىسى ۇنادى. ءوز ءوتىنىشىمدى جىبەردىم، جاۋاپ رەتىندە مەنى كەزدەسۋگە شاقىردى» ، - دەدى ول.

گۋليا ءابدىروۆانىڭ ەرەكشەلىگى - ومىرلىك ۇستانىمى، ماسەلەگە بەي- جاي قارامايتىنى. ول زور قۇلشىنىسپەن قالالىق جوباعا قاتىسۋدا.

 «ادامدار جۇرگەن جەرىنىڭ بارىندە شاعىم ايتادى. ءبىراق قالاي جاقسارتۋعا بولادى دەگەن ءوز يدەياسى، جوباسىمەن بولىسۋگە بولادى عوي. مەن وسى مۇمكىندىكتى پايدالانىپ، توپقا قوسىلدىم. قالا بيلىگى تۇرعىندارمەن تىكەلەي جۇمىس ىستەيتىنى وتە جاقسى، سەبەبى، ءبىز -  بۇكىل قىزمەتتەردىڭ الاتىن سوڭعى تۇتىنۋشىمىز. پىكىر الماسىپ، ءوزارا تىعىز بايلانىس بارىن كورۋ - قۋانىش» ، - دەپ قوستى ول.

گۋليانىڭ ۇستانىمىن ەلوردانىڭ تاعى ءبىر تۇرعىنى گۋلۆيرا ابەتوۆا دا ءبولىسىپ وتىر.

«مەن پيك پروبلەمالارىنىڭ توبىنا مۇشەمىن. جەكەلەگەن پروبلەمالاردى اكسەلەراتوردىڭ كومەگىمەن شەشۋگە بولادى دەپ ەسەپتەيمىن. پيك پروبلەمالارىنا نازار اۋدارىلسا ەكەن» ، - دەيدى گۋلۆيرا ابەتوۆا.

قالالىق دامۋ اكسەلەراتورى - ول اكىمدىكتىڭ تۇرعىندارمەن اشىق جۇمىس ىستەۋ فورماتى، ەلوردانىڭ بەلسەندى تۇرعىندارىنىڭ قالا تىرشىلىگىنە قاتىستى ماسەلەلەردى باعىنىشتى قۇرىلىمدار جانە جەكە كومپانيالارمەن بىرلەسىپ جۇمىس ىستەيتىن ءبىرىڭعاي الاڭ.

ونىڭ قىزمەتىنىڭ ناتيجەلەرى رەسمي سايتتا جانە Smart Astana ءموبيلدى قوسىمشاسىندا جاريالانادى.