قىرعىزستاندا اتامبايەۆتى ۇستاۋ وقيعاسىنىڭ ءمان- جايىن انىقتاۋ ءۇشىن مەم كوميسسيا قۇرىلدى

بىشكەك. كابار- قازاقپارات - 2019 -جىلعى 7-8 - تامىزدا شۋ وبلىسىنىڭ الامۋدۋن اۋدانىنىڭ قوي- تاش اۋىلىندا بولعان وقيعانىڭ ءمان- جايىن انىقتاۋ ءۇشىن مەملەكەتتىك كوميسسيا قۇرىلدى، دەپ حابارلايدى قازاقپارات كابار اگەنتتىگىنە سىلتەمە جاساپ.

اتالمىش شەشىمگە قىرعىز رەسپۋبليكاسىنىڭ پرەمەر- ءمينيسترى مۋحاممەدقالي ابىلعازيەۆ قول قويعان. بۇل جونىندە قىرعىز رەسپۋبليكاسى ۇكىمەتى اپپاراتىن اقپاراتتىق قامتاماسىز ەتۋ ءبولىمى ءمالىم ەتتى.

جوعارعى كەنەشتىڭ «2019 -جىلعى 7 - جانە 8 - تامىزدا قىرعىز رەسپۋبليكاسى شۋ وبلىسى الامۋدۋن اۋدانى قوي- تاش اۋىلىندا ورىن العان جاعداي تۋرالى» قاۋلىسىن ورىنداۋ ءۇشىن بۇيرىققا قول قويىلدى. ماقسات - 2019 -جىلعى 7 - جانە 8 - تامىزدا قوي- تاش اۋىلىندا ورىن العان جاعدايدى جان- جاقتى جانە وبەكتيۆتى تۇردە زەرتتەۋ.

مەملەكەتتىك كوميسسياعا ءبىر ايدىڭ ىشىندە جوعارعى كەڭەشتى اقپاراتتاندىرۋ ماقساتىندا ماسەلەنى زەرتتەپ، تۇجىرىم جاساپ شىعارۋعا تاپسىرما بەرىلدى.