بوزىمبايەۆ ەلوردانى گازداندىرۋ جايلى: جۇمىستار دايىن ەمەس
«نۇر- سۇلتانداعى ءبىرىنشى جانە ەكىنشى ىسكە قوسۋ كەشەنىنىڭ قۇرىلىسى توقتاپ قالدى. جول كارتاسىندا قۇرىلىستىڭ ءساۋىر ايىندا باستالىپ، وسى جىلدىڭ جەلتوقسانىندا اياقتالاتىنى جوسپارلانعان. ءبىراق، سىزدەر بىردە- ءبىر نىسان بويىنشا جۇمىستى باستاعان جوقسىزدار. ءبىز رەسپۋبليكالىق بيۋدجەتتەن سىزدەرگە 2,7 ميلليارد تەڭگە ءبولىپ، جەرگىلىكتى بيۋدجەتكە اۋداردىق. بۇل قاراجاتتىڭ ءبىر تيىنى دا يگەرىلمەي جاتىر»، - دەدى قانات بوزىمبايەۆ مينيسترلىكتىڭ القا وتىرىسىندا قالا اكىمىنىڭ ورىنباسارى ەرمەك قيزاتوۆقا قاراتا.
مينيستر سونىمەن قاتار، ج ە و-1 مەن ج ە و-2 دە ءالى كۇنگە دەيىن جاڭعىرتۋ جۇمىستارىنا دايىن ەمەس ەكەنىن اتاپ ءوتتى. وسىعان بايلانىستى ەنەرگەتيكا مينيسترلىگى 2,7 ميلليارد تەڭگەنى كەرى قايتارۋ ماسەلەسىن كوتەرىپ وتىر.
«قازاندىقتار تەحنولوگيالىق تۇرعىدا گازبەن جۇمىس ىستەپ كەتۋگە بەيىم. وسى جۇمىستى جوسپارلاعان كەزدە مۇنىڭ ءبارىن بىلدىك. وسىعان بايلانىستى، گاز جانە مۇناي- گاز حيمياسى دەپارتامەنتىنە قاراجاتتى قايتارۋ جۇمىسىن قاراستىرۋدى تاپسىرامىن. گازداندىرۋ بويىنشا كەرەك دەسەڭىز وڭىرلەر كەزەكتە تۇر. قاراجاتتى دايىندىعى جوعارى سول وڭىرلەرگە ءبولىپ بەرگەن ءجون بولار ەدى»، - دەدى قانات بوزىمبايەۆ.
قانات بوزىمبايەۆ وسىعان بايلانىستى نۇر- سۇلتان قالاسىنىڭ اكىمدىگىنە «سارى ارقا» گاز قۇبىرى بويىنشا ناقتى مەرزىمى بەكىتىلگەن جاڭا جول كارتاسىن ازىرلەۋدى تاپسىردى.
اۆتور: ايان بەكەن ۇلى
