الەمدەگى ەڭ ۇلكەن پروتسەسسور جاسالدى
ءبىراق Cerebras Systems ستارتابى مۇنداي ينجەنەرلىك يدەياعا مۇلدە كەرەعار. ولار قازىرگى ولشەم بويىنشا تىم ۇلكەن Cerebras Wafer Scale Engine پروتسەسسورىن جاساپ شىقتى. ونىڭ كولەمى - 8x8 ديۋيم (203x203 مم). بۇل قازىرگى پروتسەسسورلاردان 50 ەسە ۇلكەن. نوبايى iPad-قا كەلەدى. ستارتاپ نەگىزىن قالاعان ەندريۋ فەلدماننىڭ ايتۋىنشا، جوبا لوگيكاسى وتە قاراپايىم. وزدىگىنەن وقىپ-ۇيرەنىپ، دامۋ ءۇشىن جاساندى ينتەللەكتىنىڭ باعدارلامالىق جاساقتاماسى ۇلكەن اقپارات قورىن قاجەت ەتەدى.
سوندىقتان وسى اقپاراتتىڭ بارلىعىن وڭدەۋ ءۇشىن پروتسەسسورلار بارىنشا جىلدام بولۋى ءتيىس. Wafer Scale Engine جاساعان چيپتە 1,2 ميلليون ترانزيستور، 400 مىڭ ەسەپتەۋ يادروسى جانە 18 گيگابايت كىرىكتىرىلگەن SRAM وپەراتيۆ جادى بار. سالىستىرۋ ءۇشىن:قولدانۋشىلاردىڭ دەربەس كومپيۋتەرىنىڭ كريستالىندا 2 ميلليارد ترانزيستور، 4-12 يادرو جانە وننان اساتىن كەش-جادى بار. بۇل پروتسەسسور جاساندى ينتەللەكتىگە ارنالعان پروتسەسستەرمەن جۇمىس ىستەۋ ءۇشىن جاسالعان. قازىردىڭ وزىندە Cerebras Systems كليەنتتەرىنە Cerebras WSE دايىنداپ جاتىر.
