ءبىلىم ءمينيسترى ورىنباسارلارىنىڭ الەۋمەتتىك جەلىدەگى پاراقشالارىن جاريا ەتتى
«مەملەكەت باسشىسى مەملەكەتتىك قىزمەتكەرلەرگە الەۋمەتتىك جەلىلەردى پايدالانا وتىرىپ، حالىقپەن ءتيىمدى جۇمىس جۇرگىزۋدى تاپسىردى. قاسىم-جومارت توقايەۆ «ەستيتىن مەملەكەت» تۇجىرىمداماسىنا كوشۋ قاجەتتىگىن ەرەكشە اتاپ وتكەن بولاتىن.
شىن مانىندە، تۇرعىندار ءۇشىن قولجەتىمدى بولۋ - باسشىنىڭ ەڭ باستى مىندەتتەرىنىڭ ءبىرى بولىپ سانالادى. سىبايلاس جەمقورلىققا قارسى ساياساتتىڭ نەگىزى - مەملەكەتتىك ورگان مەن باسشىنىڭ اشىقتىعىن قامتاماسىز ەتۋ دەپ ايتساق، بۇگىنگى تاڭدا اتالعان باعىتتا ايتارلىقتاي جۇمىستار جۇرگىزىلۋدە»، - دەپ جازدى ءبىلىم ءمينيسترى Facebook-تەگى پاراقشاسىندا.
ەڭ الدىمەن مينيستر بۇگىندە قوعامداعى وزەكتى ماسەلەلەر بويىنشا ازاماتتاردىڭ پىكىرى ەسكەرىلىپ، وڭتايلى شەشىمدەر قابىلدانىپ جاتقانىن اتاپ وتەدى. وسى رەتتە، اشىقتىق قاعيداتى اياسىندا ق ر ب ع م- نىڭ الەۋمەتتىك جەلىلەردەگى رەسمي پاراقشالارىنا نەمەسە مينيسترلىكتىڭ قىزمەتكەرلەرىنە ءبىلىم جانە عىلىم سالاسىنا قاتىستى تىكەلەي ساۋال جولداۋعا بولاتىندىعىن قاپەرگە سالادى.
«ءبىلىم جانە عىلىم ۆيتسە-مينيسترلەرىنىڭ فەيسبۋكتەگى پاراقشالارى دا سىزدەر ءۇشىن ءاردايىم اشىق جانە قولجەتىمدى.
فاتيما نادىر قىزى جاقىپوۆا - ءبىلىم جانە عىلىم ۆيتسە- ءمينيسترى، بيبىگۇل امانگەلدى قىزى اسىلوۆا - ءبىلىم جانە عىلىم ۆيتسە-ءمينيسترى، رۇستەم ايداربەك ۇلى بيعاري - ءبىلىم جانە عىلىم ۆيتسە- ءمينيسترى.
ەكىنشىدەن، قازاقستان رەسپۋبليكاسىنىڭ ءبىلىم جانە عىلىم مينيسترلىگىندە (87172) 742411 ءنومىرى بويىنشا call-ورتالىق حالىققا قىزمەت كورسەتەدى. سونىمەن قاتار، وڭىرلەردەگى ءبىلىم باسقارمالارى باسشىلارىنىڭ Facebook-تەگى اككاۋنتتارى مەن ءبىلىم باسقارمالارىنىڭ call-ورتالىقتارى دا تۇرعىندار ءۇشىن قولجەتىمدى»، - دەدى ول.
اسحات ايماعامبەتوۆتىڭ اتاپ وتۋىنشە، ۇشىنشىدەن، جۇمىستىڭ اشىقتىعى مەن ايقىندىعىن قامتاماسىز ەتۋ ماقساتىندا جۋىردا ق ر ب ع م- عا قاراستى فرونت-وفيس ىسكە قوسىلادى. كوزدەلگەن باستى ماقسات - ءبىلىم سالاسىنا قاتىستى كەلىپ تۇسەتىن سۇراقتارعا ماردىمدى جاۋاپتار قايتارىپ، كۇرمەۋى قيىن ماسەلەلەردىڭ شەشىلۋىنە ۇلەس قوسۋ.
«تورتىنشىدەن، وڭىرلەردەگى ءبىلىم بەرۋ باسقارمالارىنا ب ا ق تاراپىنان كەلىپ تۇسەتىن ساۋالدارعا ۋاقىتىلى جاۋاپ بەرىپ، ءبىلىم بەرۋ تاقىرىبىن كەڭىنەن جاريالايتىن باسپا ءسوز قىزمەتىن قۇرۋ تاپسىرىلدى. جالپى كوزدەگەن ماقساتىمىز - حالىققا قىزمەت كورسەتۋ بارىسىندا جەكە جانە اكىمشىلىك كەدەرگىلەردى جويۋ. سەبەبى، ازاماتتارعا ىڭعايلى جاعداي جاساۋ جانە اشىق جۇمىس جۇرگىزۋ وتە ماڭىزدى»، - دەدى مينيستر.
اۆتور: مارلان جيەمباي
