كونستيتۋتسيا كۇنى: ەلوردالىقتار مەرەكەنى قايدا وتكىزە الادى
نۇر-سۇلتان. قازاقپارات - تامىز ايىنىڭ سوڭى مەملەكەتتىك مەرەكە - كونستيتۋتسيا كۇنىمەن بەلگىلى.
الدا ءۇش كۇن دەمالىس. وسىعان وراي، ەلىمىزدىڭ باس قالاسى ءوز تۇرعىندارى مەن قوناقتارىنا قىزىققا تولى مەرەكەلىك باعدارلاما ازىرلەدى، دەپ حابارلايدى ەلوردا اكىمدىگىنىڭ رەسمي سايتى. ۇقساس جاڭالىقتار وسكەمەندەگى كورمەدە 600 گە جۋىق التىن جادىگەر قويىلدى قارقارالىدا الاش ارىستارىنىڭ ەسكەرتكىشى بوي كوتەردى ەلوردادا «ۇلى دالا مۇراسى» جوباسىنىڭ تانىستىرىلىمى وتەدى ۇلىتاۋدا Jezkiik ەتنيكالىق مۋزىكا فەستيۆالى ءوتتى 30 -تامىز مەرەكەنىڭ باستى وقيعاسى ورتالىق ساياباقتىڭ تۇراق الاڭىندا قازاقستاندىق ەسترادا جۇلدىزدارىنىڭ قاتىسۋىمەن وتەتىن كونسەرت بولماق.
اشىق اسپان اياسىنداعى كونسەرتتە تۇرعىندار مەن قوناقتارعا ءالي وقاپوۆ، «Ringo» توبى، «الامان» تريوسى، «رويال» كۆارتەتى، «دجەنتەلمەندەر» توبى، نۇر-سۇلتان قالاسىنىڭ مەملەكەتتىك اكادەميالىق فيلارمونياسىنىڭ ارتىستەرى جانە «ناز» مەملەكەتتىك بي تەاترىنىڭ شىعارماشىلىق ۇجىمى ونەر كورسەتەدى. كونسەرتتىڭ 17:00 دە باستالىپ، 22:30 عا دەيىن جالعاسادى. باعدارلامانى كەز كەلگەن ادام تاماشالاي الادى. سونداي- اق وسى كۇنى قالالىق الاڭدا «Qazaqstan Jastar Fest» سپورت فەستيۆلى وتەدى. جارىس كەلەسى سپورت تۇرلەرىنەن: ارقان تارتۋ، اسىق اتۋ، كىر تاسىن كوتەرۋ، ارمرەستلينگ، گرەپپلينگ، شاعىن فۋتبول، ستريتبول، BMX جانە برەيك- دانستان وتەدى.
بۇدان بولەك، كيوكۋشينكاي-كان كاراتە رەسپۋبليكالىق ۇلتتىق فەدەراتسياسى سپورتشىلارىنىڭ، سپورتتىڭ كۇشتىك تۇرلەرىنەن 4 دۇركىن الەم رەكوردشىسى، بەلگىلى قازاق بالۋاندارى بالۋان شولاق پەن قاجىمۇقان مۇڭايتپاسوۆتىڭ ءىزىن جالعاستىرۋشى سەرگەي تسىرۋلنيكوۆتىڭ ونەر كورسەتۋى جوسپارلانعان. چەمپيونات اياسىندا الاڭدا اسىق اتۋدان قالانىڭ اشىق چەمپيوناتى وتەدى. وعان كەز كەلگەن ادام قاتىسا الادى. جارىس 17:00 دە باستالىپ، 19:00 گە دەيىن جالعاسادى. ق ر ۇلتتىق مۋزەيىندە ونەر ورداسىنىڭ 5 جىلدىعىنا ارنالعان «ۇلى دالا مۇراسى» اتتى مۋزەيلەر شەرۋى وتەدى. شارانىڭ سالتاناتتى اشىلۋىندا مەرەكەلىك كونسەرت، قولداڭبالى ونەر، اعاش كەسۋ، كەراميكالىق ىدىس جاساۋدان شەبەرلىك ساعاتتارى، سونداي-اق مۋزەي زالدارىنا ەكسكۋرسيالار، ءسوزجۇمباق، كىتاپ، كادەسىي كورمەسى، «توعىزقۇمالاق»، «اسىق اتۋ»، «شەڭبەر» ويىندارىنان جارىستار وتەدى.
شارا 18.00 دە باستالىپ، 03:00 دە اياقتالادى. «جاستار» سارايىندا «رۋحاني جاڭعىرۋ» باعدارلاماسى اياسىندا كونستيتۋتسيا كۇنىنە ارنالعان «استانا» ەسترادالىق-سيمفونيالىق وركەسترىنىڭ كونسەرتتىك باعدارلاماسى قويىلادى. باستالۋى ساعات 19:00 دە. 28-30 -تامىز كونگرەسس-ورتالىقتا «Eurasia Fashion Week» ءسان كورسەتىلىمى وتەدى. قازاقستاندىق جانە شەتەلدىك ديزاينەرلەر الداعى جىلدىڭ كوكتەم جانە جاز ماۋسىمىنا ارنالعان كوللەكسياسىن تانىستىرادى.
ءسان اپتالىعى اياسىندا ديزاينەرلەردىڭ شوۋ-رۋمدارى جانە EFW-تىڭ حالىقارالىق قوناقتارىنان تانىمدىق شەبەرلىك ساعاتتارى وتەدى دەپ جوسپارلانعان. EURASIAN FASHION WEEK -ەۋرازيالىق كونتيتەنتتىڭ ءسانى مەن ستيلىن ۇسىناتىن، الەمدىك دەڭگەيدەگى ديزاينەرلەر مەن ءسان الەمىنە جاڭا قادام باسقان جاڭا ەسىمدەردى اشاتىن جاڭا حالىقارالىق الاڭ. 30-31 -تامىز ەلوردانىڭ قۋىرشاقتار تەاترىندا قالا تۇرعىندارى مەن قوناقتارى «جالقاۋدىڭ ايلاسى» كوڭىلدى سپەكتالىن تاماشالاي الادى. ەرتەگى وقيعاسى سپورتپەن شۇعىلدانىپ، جول ءجۇرۋ ەرەجەسىن ۇيرەنگىسى كەلمەيتىن بالا تۋرالى باياندايدى.
سپەكتاكلدى 14:00-دە قازاق تىلىندە، 12:00 جانە 16:00 دە ورىس تىلىندە كورۋگە بولادى. بيلەت باعاسى - 700 تەڭگە. ورتالىق ساياباقتا، جەتىسۋ جانە جەرۇيىق ساياباقتارىندا بالالارعا ارنالعان «باقتىڭ جەتى عالاماتى» اتتى ويىن-ساۋىق باعدارلاماسى وتەدى. شارا وسىمەن ءۇشىنشى جىل قاتارىنان ەلوردانىڭ كىشكەنتاي تۇرعىندارى مەن قوناقتارىن قۋانتاتىن بولادى. ساياباقتىڭ كىشكەنتاي قوناقتارىنىڭ كوڭىلىن مينوندار، باربي قۋىرشاعى، ماداگاسكار جانە گۋبكا بوب جانە ت. ب. مۋلتفيلمدەردىڭ كەيىپكەرلەرى كوتەرەدى.
تاۋەلسىزدىك سارايىندا «اقانايەۆتار اۋلەتى» جانە «اتا-زاڭ - ەل تىرەگى، نۇر-سۇلتان - ەل جۇرەگى» اتتى ەكى بىردەي كورمە وتەدى. 31 -تامىز ەلوردالىق ساياباقتاردا اشىق اسپان اياسىنداعى «Fitness Park Nur- Sultan» اپتالىق جاتتىعۋى وتەدى. سپورتتان تەگىن جاتتىعۋ جەكسەنبى كۇنى 10:00 دەن 12:00 ارالىعىندا استانالىق، جەتىسۋ، جەرۇيىق ساياباقتارى مەن بوتانيكالىق باقتا وتەدى. جاتتىعۋدى CrossFit، يوگا، بوكس، برازيليالىق دجيۋ- دجيتسۋ، Zumba، ۇستەل ويىندارى (دويبى، شاحمات) جانە توپپەن جۇگىرۋدەن ارنايى ماماندار جۇرگىزەدى.
