مالايزيانىڭ بۇرىنعى پرەمەر- ءمينيسترى سوتتالىپ جاتىر

نۇر- سۇلتان - كۋالا- لۋمپۋر. قازاقپارات -  مالايزيانىڭ جوعارعى سوتىندا ەلدىڭ بۇرىنعى پرەمەر- ءمينيسترى نادجيب رازاكتىڭ سوتى بولىپ جاتىر، دەپ حابارلايدى قازاقپارات Bernama باسىلىمىنا سىلتەمە جاساپ.

 وعان 1Malaysia Development Berhad (1MDB) مەملەكەتتىك ينۆەستيتسيا قورىنان 546 ميلليون ا ق ش دوللارىنان استام قارجى جىمقىردى دەگەن ايىپ تاعىلدى. ءبىراق وعان تاعىلعان ايىپ وسىمەن بىتپەي وتىر. سوت رازاكقا جالپى ءتورت ءتۇرلى ايىپ تاعىپ وتىر، بۇدان بولەك، جىمقىرعان وسى اقشاسىن پايدالانا وتىرىپ، 21 جەردەن اقشا جىمقىردى دەگەن كۇدىك تاعى بار.

مەملەكەتتىك ايىپتاۋشىلار نادجيب رازاك 2011 -جىلدىڭ 11 - اقپانىنان 2014 -جىلدىڭ 19 - جەلتوقسانىنا دەيىن AmIslamic Bank بانكىنىڭ بولىمشەسىندە زاڭعا قايشى ارەكەتتەر جاسادى دەگەندى العا تارتادى.

ەگەر 66 جاستاعى بۇرىنعى پرەمەردىڭ كىناسى دالەلدەنسە، 20 جىلعا باس بوستاندىعىنان ايىرىلۋى مۇمكىن.