مەيرامبەك بەسبايەۆ ولەڭ وقىپ جۇرتتىڭ جۇرەگىن ەلجىرەتتى
«فاريزا» قويىلىمىنا ارناپ تانىمال ءانشى مەيرامبەك بەسبايەۆ اقىننىڭ ولەڭىن اسەرلى وقىپ، بەينەجازبا تۇسىرگەن. جەلىدەگى پاراقشاسىندا ءوزىنىڭ جىر شۋماقتارىن سەزىممەن ورىنداعانىن جاريالاعان ءانشى ەرەكشە داۋىس ىرعاعىمەن تاڭقالدىرعان. فاريزا وڭعارسىنوۆانىڭ ىشكى سەزىمدەرىنە ءدوپ باسىپ، ولەڭىن وقۋ ارقىلى اقىننىڭ جان دۇنيەسىن كورسەتە بىلگەن مەيرامبەك بەسبايەۆ.
مۇنى كورگەن جۇرت جارىسا پىكىر جازىپ، ويلارىن ورتاعا سالعان. ولارعا ءانشىنىڭ ولەڭ شۋماقتارىن وقىعانى ەرەكشە اسەر قالدىرعان سىڭايلى. جەلىدەگىلەر تاڭقالىستارىن جاسىرا الماي، ونەر يەسىنىڭ داۋىسىنا ءتانتى بولعاندارىن ايتقان.
«ماكە، كوپتەگەن ولەڭ شۋماقتارىن وقىپ، اۋديو نۇسقاسىن شىعارساڭىز جاقسى بولاتىن ەدى»، «كەرەمەت، جۇرەككە جەتتى. تالانت بارلىق جاعىنان تالانت»، «جانىم- اۋ، التىن داۋىسىڭنان اينالايىن»، «ءۇنىڭىز تۇپ- تۇنىق»، ء«سوزىم جوق، وقۋ مانەرى ەرەكشە، باسىمدى يەمىن»، «جۇرەكتى ەلجىرەتىپ جىبەردى»، - دەيدى جۇرت.
