قاسىم- جومارت توقايەۆ فينليانديا پرەزيدەنتىن ەلىمىزگە ساپارمەن كەلۋگە شاقىردى
پرەزيدەنت سارايىنداعى سالتاناتتى راسىمنەن كەيىن قازاقستاندىق ديپلوماتتى مەملەكەت باسشىسى قابىلدادى.
سۇحبات بارىسىندا قازاقستاننىڭ پرەزيدەنتى قاسىم- جومارت توقايەۆتىڭ فينليانديا پرەزيدەنتىنە جولداعان سالەم مەن جىلى نيەت لەبىزدەرى جەتكىزىلىپ، قازاقستانعا ساپارمەن كەلىپ- كەتۋ تۋرالى شاقىرۋى تابىس ەتىلدى.
فينليانديانىڭ مەملەكەت باسشىسى قازاقستاننىڭ ساياسي دامۋى، ەكونوميكاسىن ءارتاراپتاندىرۋ جانە ترانزيتتىك- كولىكتىك الەۋەتىن دامىتۋ جولىندا قولعا الىنعان شارالار بويىنشا حاباردار ەتىلدى.
قازاقستان- فينليانديا قاتىناسىنىڭ قازىرگى جاعدايى مەن كەلەشەگىن تالقىلاۋ بارىسىندا ەلشى ەكىجاقتى ىنتىماقتاستىقتىڭ بارلىق سپەكترى بويىنشا، اسىرەسە تسيفرلىق تەحنولوگيالار سالاسىنداعى ءوزارا ارەكەتتەستىكتى تەرەڭدەتۋگە ەل باسشىلىعىنىڭ مۇددەلىگىن تانىتتى.
پرەزيدەنت ق. توقايەۆ ۇلىقتاۋ راسىمىندە سويلەگەن سوزىندە ايقىنداعان نەگىزگى باعىتتار تۋرالى ەگجەي- تەگجەيلى ايتىلدى. قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ الەمدىك قاۋىمداستىققا ءۇش ديالوگ نەگىزىندە جاڭا گەوساياسي احۋال قالىپتاستىرۋ تۋرالى ۇسىنعان باستاماسى مالىمدەندى.
سونىمەن قاتار تۇڭعىش پرەزيدەنت - ەلباسى ن. نازاربايەۆپەن پرەزيدەنت ق. توقايەۆتىڭ پرەزيدەنت س. نيينيستەنىڭ تۋعان كۇنىنە وراي قۇتتىقتاۋلارى تابىستالدى.
فينليانديا پرەزيدەنتى ەكى ەل اراسىنداعى قاتىناستاردىڭ دوستىق سيپاتىنا ەرەكشە كوڭىل اۋدارىپ، قازاقستاننىڭ حالىقارالىق ارەناداعى ماڭىزدىلىعىن اتاپ ءوتتى. ول ەكىجاقتى ساۋدانىڭ ءوسىپ كەلە جاتقان بەتالىسىنا قاناعاتتانۋشىلىق ءبىلدىردى.
س. نيينيستە تۇڭعىش پرەزيدەنت - ەلباسى ن. نازاربايەۆتىڭ قازىرگى قازاق مەملەكەتتىلىگىنىڭ نەگىزىن قالاۋشى رەتىندەگى ءرولىن ايرىقشا ايتىپ، ونىڭ جاھاندىق ارحيتەكتۋرا مەن گەوساياسي ماسەلەلەردىڭ قالىپتاسۋ ۇدەرىستەرىن تەرەڭ تۇسىنەتىندىگىن اتاپ ءوتتى. فين مەملەكەتىنىڭ باسشىسى ەلىمىزدىڭ پرەزيدەنتى ق. توقايەۆقا جۇرەكجاردى لەبىزىن ءبىلدىردى.
فينليانديا پرەزيدەنتى قازاقستانعا جاساعان ساپارلارىن ەسكە الىپ، قازىرگى دامۋىن جوعارى باعالادى جانە ەلدەگى ساياسي، الەۋمەتتىك- ەكونوميكالىق رەفورمالاردى ودان ءارى جۇزەگە اسىرۋدا ساتتىلىك تىلەدى.