قازاقستان مەن ا ق ش جاستارى بىرلەسكەن جوبالاردى جۇزەگە اسىرادى
جاستار ۇيىمدارىنىڭ نەتۆوركينگ جانە تاجىريبە الماسۋ جوباسى اياسىندا وتكەن شاراعا ا ق ش پەن قازاقستان اۋماعىندا تىركەلگەن جاستار ۇيىمدارىنىڭ وكىلدەرى مەن ەكى ەلدىڭ بىرلەسكەن جوبالارىنا تارتىلعان بەلسەندىلەر قاتىستى.
فورۋمعا ق ر اقپارات جانە قوعامدىق دامۋ ءمينيسترىنىڭ ورىنباسارى دانيار ەسين قاتىسىپ، ءوز قۇتتىقتاۋىن جەتكىزدى.
«نۇر- سۇلتانعا قوش كەلدىڭىزدەر! ءبىزدىڭ قالانىڭ ەرەكشە ميسسياسى بار. تۇڭىش پرەزيدەنتىمىز- ەلباسى نۇرسۇلتان نازاربايەۆتىڭ دانا ساياساتىنىڭ ارقاسىندا استانامىز الەمدە بەيبىتشىلىك قالىپتاستىرۋعا بەلسەندى اتسالىسىپ كەلەدى. الەمدىك دىندەر سەزى سياقتى اۋقىمدى شارالارعا الاڭ ۇسىنۋ داستۇرگە ارنالعان. بۇگىنگى فورۋم دا سونداي پايدالى شارانىڭ ءبىرى بولادى دەگەن ءۇمىت بار. ەڭ باستىسى، بيىل ەلىمىزدە جاستار جىلى ءوتىپ جاتىر. بۇگىنگى فورۋم ارقىلى ەكى ەل جاستارىنىڭ تىعىز قارىم- قاتىناسىن جولعا قويا الامىز. فورۋم عىلىم، مادەنيەت، سپورت سالاسىنداعى بىرلەسكەن جوبالاردىڭ جۇزەگە اسۋىنا جول اشىپ، ۇزدىك تاجىريبەلەردى بولىسۋگە مۇمكىندىك بەرەدى دەگەن ۇمىتتەمىز» ، - دەدى ۆيتسە- مينيستر.
فورۋم اياسىندا «Bolashaq» قاۋىمداستىعى، ازاماتتىق باستامالاردى قولداۋ ورتالىعى جانە «Kazakhstan Trade Council» بىرلەسكەن جوبالاردى جۇزەگە اسىرۋ بويىنشا ءۇشجاقتى مەموراندۋم جاساستى. سونداي- اق، «Jas Otan» جانە «ىndiana University Fencing Club» اراسىندا، «استانا جاستارى» جانە «Words Can Soar» حالىقارالىق ۇيىمىنىڭ اراسىندا كەلىسىمدەرگە قول قويىلدى.
