گۇلنار كاريموۆاعا قارسى جاڭا قىلمىستىق ءىس قوزعالدى
گۇلنار كاريموۆا مەملەكەت قاراجاتىن جىمقىرۋ، رەسپۋبليكا مۇددەسىنە قايشى كەلەتىن كەلىسىمدەر جاساۋ جانە بوپسالاۋ جولىمەن اسا ءىرى كولەمدە بىرەۋدىڭ مەنشىگىن يەمدەنۋ بويىنشا ايىپتالۋدا.
حالىقارالىق كومپانيا مەن جەكەلەگەن ازاماتتاردىڭ ارىزدارى بويىنشا تەكسەرىلگەن ماتەريالدار جاڭا تەرگەۋ امالدارىنا نەگىز بولعان.
«گۇلنار كاريموۆانىڭ وزگە تۇلعالارمەن كەلىسۋ ارقىلى مەملەكەتكە تيەسىلى «كۋۆاسايتسەمەنت» جانە «بەكابادتسەمەنت» ا ق- لارىنىڭ اكسيالار پاكەتىن تومەندەتىلگەن باعامەن ساتىپ العانى انىقتالدى»، - دەپ حابارلادى وزبەكستان پروكۋراتۋراسى.
تەرگەۋ بولجامى بويىنشا، كەيىننەن گۇلنار كاريموۆا بۇل اكسيالاردى ءوز قامقورلىعىنداعى شەتەلدىك كومپانيالارعا قايتا ساتىپ وتىرعان. ناتيجەسىندە وزبەكستان ەكونوميكاسىنا اسا ءىرى كولەمدە شىعىن كەلتىرىلگەن.
سونداي-اق ەكس-پرەزيدەنتتىڭ قىزى ازاماتتار مەن كاسىپكەرلەردىڭ مۇلىكتەرىن زورلىقپەن ءوز كومپانيالارىنىڭ اتىنا اۋدارتقان دەپ ايىپتالۋدا.
باسقا اقپارات تەرگەۋ مۇددەسىنە وراي جاريالانبايدى.