20:36, 19 - تامىز 2019 | GMT +5
سپورتتىق قۇزعا ورمەلەۋ: قازاقستاندىق الەم چەمپيوناتىنىڭ فينالىنا ءوتتى
نۇر- سۇلتان. قازاقپارات - جاپونيانىڭ حاتيودزي قالاسىندا سپورتتىق قۇزعا ورمەلەۋدەن الەم چەمپيوناتى جالعاسۋدا، دەپ حابارلايدى قازاقپارات.
ق ر ۇلتتىق وليمپيادالىق كوميتەتىنەن ءمالىم ەتكەندەي، قازاقستاندىق ريشات حايبۋللين كوپسايىستا فينالعا جولداما الدى.
كوپسايىستان (جىلدامدىق+قيىندىق) فينالعا سەگىز سپورتشى عانا قاتىسا الادى. حايبۋللين التىنشى ورىنمەن اقتىق سىنعا ءوتتى. ازىرگە ءبىرىنشى ورىندا گەرمانيا، ەكىنشى ورىندا اۆستريا، ءۇشىنشى ساتىدا جاپونيا سپورتشىلارى تۇر.
