المازبەك اتامبايەۆتىڭ جاقتاستارى ەكى ايعا قامالدى
نۇر-سۇلتان. قازاقپارات - قىرعىزستاننىڭ سوتسيال- دەموكراتيالىق پارتياسىنىڭ (ق س د پ) مۇشەلەرى كىياز سمايلوۆ، الگا كىلىچيەۆ جانە امانتۋر جامگىرچيەۆ بىشكەك قالالىق پوليتسيا دەپارتامەنتىنىڭ تەرگەۋ يزولياتورىندا وسى جىلدىڭ 8- قازانىنا دەيىن وتىرادى.
بىشكەك قالاسىنىڭ پەرۆومايسك اۋداندىق سوتى ولاردى ەكى ايعا قاماۋ تۋرالى شەشىم شىعارعان. ءۇش ازامات 7 تامىزدا كوي-تاش اۋىلىنا قىرعىزستاننىڭ بۇرىنعى پرەزيدەنتى المازبەك اتامبايەۆتى ۇستاۋ ءۇشىن بارعان «الفا» توبىنىڭ التى ساربازىن كەپىلدىككە الدى دەگەن كۇدىككە ىلىنگەن.
ءدال وسىنداي ايىپپەن 8- قازاندا ق س د پ ءتوراعاسىنىڭ ورىنباسارى فاريد نيازوۆ تا ەكى ايعا قامالعان.
الگا كىلىچيەۆ ءوزىن ق س د پ مۇشەسى ءارى «ساكچى» حالىقتىق قوزعالىسىنىڭ جەتەكشىسى رەتىندە تانىستىرىپ كەلگەن. امانتۋر جامگىرچيەۆتى 2010-جىلعى ءساۋىر وقيعاسى كەزىندە زارداپ شەككەندەردەن قۇرالعان «ايكول الا-توو» بىرلەستىگىنىڭ جەتەكشىسى رەتىندە اتايدى. ال كىياز سمايلوۆ - المازبەك اتامبايەۆتى قورعاۋ شتابىنىڭ جەتەكشىسى.
