مينيسترلىك قارۋلى كۇشتەرىنەن شىعارىلعان ەكس-مينيسترگە قاتىستى تۇسىنىك بەردى
«قازاقپارات» حالىقارالىق اگەنتتىگىنىڭ ساۋالىنا بەرگەن جاۋابىندا قورعانىس مينيسترلىگى ساكەن جاسۇزاقوۆ بۇرىن العان اسكەري اتاقتارىنان ايىرىلمايتىندىعى ايتىلعان.
«گەنەرال-پولكوۆنيك ساكەن ءادىلحان ۇلى جاسۇزاقوۆ ق ر پرەزيدەنتىنىڭ وكىمى نەگىزىندە 2019-جىلعى 7- تامىزدا اسكەري اتاعى، مەملەكەتتىك ناگرادالارى مەن زەينەتاقى تولەمدەرى ساقتالا وتىرىپ، قازاقستان رەسپۋبليكاسى قارۋلى كۇشتەرىنىڭ تىزىمىنەن شىعارىلدى»، دەلىنگەن رەسمي جاۋاپتا.
سونداي-اق، قورعانىس ءمينيسترىنىڭ بۇيرىعىمەن ق ر قارۋلى كۇشتەرىنىڭ ءتىل جانە قارۋ-جاراق باستىعى، ق ر قارۋلى كۇشتەرىنىڭ باس ارتيللەريالىق باسقارماسىنىڭ باستىعى مەن وق-دارىلەر باسقارماسىنىڭ باستىعى، 44859 اسكەري ءبولىمىنىڭ كومانديرى (ارىس قالاسى) قاجەتتى دەڭگەيدە باقىلاۋ جۇرگىزبەي، قىزمەت بارىسىندا ولقىلىقتار جىبەرگەنى ءۇشىن لاۋازىمدارىنان بوساتىلدى.
ەسكە سالساق، ق ر پرەزيدەنتى وكىمىمەن ارىستاعى جارىلىسقا جول بەرگەن بۇرىنعى قورعانىس ءمينيسترى قارۋلى كۇشتەر قۇرامىنان شىعارىلىپ، ءۇش جوعارى اسكەري لاۋازىمدى تۇلعاعا قاتاڭ سوگىس جاريالانعان بولاتىن.
ارىس قالاسىنداعى اسكەري ءبولىمنىڭ قويماسىندا 24- ماۋسىم كۇنى تاڭەرتەڭ جارىلىس بولدى. سالدارىنان ءۇش ادام قازا تاپتى - ارىس تۇرعىنى مەن ەكى اسكەري قىزمەتشى. 170 كە جۋىق ادام زارداپ شەكتى. 20 عا جۋىق ءۇي، 9 قورا- قوپسى جانىپ كەتتى. ءۇي- جايلار مەن عيماراتتاردىڭ 80-90 پايىزىنا ءارتۇرلى دەڭگەيدە زاقىم كەلدى.
