اتامبايەۆتىڭ كەڭەسشىسى جاۋاپ الۋدان كەيىن بوساتىلدى
نۇر-سۇلتان. قازاقپارات - ق س د پ رەسمي وكىلى قىرعىزستاننىڭ ەكس-پرەزيدەنتى المازبەك اتامبايەۆتىڭ كەڭەسشىسى قۋندۋز جولدۋبايەۆادان تۇتقىنعا الىنعانداردىڭ ءىسى بويىنشا كۋاگەر رەتىندە جاۋاپ الىنعانىن مالىمدەدى.
بۇل تۋرالى ونىڭ قورعاۋشىسى زامير جووشيەۆكە سىلتەمە جاساعان «ازاتتىق راديوسى» حابارلايدى.
ايەل ادامنان قوي-تاشتاعى وقيعالارعا قاتىستى جاۋاپ الىنعان. ەكس-پرەزيدەنتتىڭ ۇيىنە جاسالعان شابۋىل كەزىندە ارنايى جاساقتىڭ بىرنەشە ساربازى تۇتقىنعا الىنعان بولاتىن.
سونىمەن قاتار قىرعىزستاننىڭ ءى ءى م- نە اتامبايەۆتىڭ قوعامدىق قورعاۋشىسى فاريد نيازوۆ پەن ونىڭ كۇزەتشىلەرى دە جەتكىزىلگەن. ولار جونىندە ازىرگە اقپارات جوق.
باسىلىمنىڭ مالىمەتىنشە، جولدىبايەۆانى جاۋاپ الۋدان كەيىن بوساتقان.
