09:34, 09 - تامىز 2019 | GMT +6
«مەنى اتىپ تاستاڭدار»: اتامبايەۆ ۇستالۋىنىڭ الدىندا نە سۇرادى؟
نۇر-سۇلتان. قازاقپارات - قىرعىزستاننىڭ بۇرىنعى باسشىسى المازبەك اتامبايەۆتىڭ Facebook جەلىسىندەگى رەسمي پاراقشاسىندا ەكس-پرەزيدەنتتىڭ ۇستالۋىنىڭ الدىنداعى كەلىسسوزدەردىڭ ۆيدەوجازباسى پايدا بولدى.
«بۇل وقيعادان بىرەۋدىڭ زارداپ شەككەنىن قالامايمىن»، - دەپ جازىلعان ۆيدەونىڭ استىندا.
Sputnik قىرعىزستان مالىمەتىنشە، اتامبايەۆ ارنايى جاساق ساربازدارىن ەشكىمگە زيان كەلتىرمەۋلەرىن سۇراعان.
«كەرەك بولسا، مەنى اتىپ تاستاڭدار. باستىسى جىگىتتەرگە تيىسپەڭدەر. جىگىتتەر مەن قىزدارعا تيىسپەيسىڭدەر عوي؟»، - دەپ سۇرادى ەكس- پرەزيدەنت.
اتامبايەۆپەن كەلىسسوزدى ءى ءى م باسشىسىنىڭ ورىنباسارى كۋرسان اسانوۆ جۇرگىزگەن. بۇرىنعى مەملەكەت باسشىسى ءمينيستردىڭ ورىنباسارى جيىلعان حالىقتىڭ ءدىن-امان قايتاتىنىنا ۋادە ەتكەنىنەن كەيىن عانا بەرىلۋگە كەلىسكەن.