توكيو وليمپياداسىنا ەڭ قىمبات بيلەتتەردىڭ باعاسى قانشا؟
جاپونيالىق اگەنتتىكتىڭ مالىمەتىنشە، توكيوداعى جازعى وليمپياداعا ساتىلاتىن پرەميۋم ساناتتاعى بيلەتتەردىڭ ەڭ قىمباتى 6,35 ميلليون يەن (شامامەن 60 مىڭ ا ق ش دوللارى) تۇرادى. بيلەت قۇنىنا جوعارى ساناتتى اس ءمازىرى، اشىلۋ جانە جابىلۋ سالتاناتىنا كىرۋ كىرەدى. ۇيىمداستىرۋشىلار ەڭ قىمبات بيلەتتەردى ساتىپ الۋعا وتىنىشتەردى قابىلداۋدى وسى ايدىڭ سوڭىندا باستاۋدى جوسپارلاپ وتىر. ەڭ تولىق جيىنتىقتاعى بيلەتتەردىڭ يەلەرى 11 وليمپيادالىق جارىسقا كىرە الادى. ولارعا جەڭىل اتلەتيكادان - فينال، ەرلەر اراسىندا 100 جانە 400 مەترگە ەستافەتا جاتادى.
پرەميۋم-بيلەتتىڭ يەگەرلەرى مەيرامحانالىق قىزمەت كىرەتىن كەرەمەت لاۋندج-زوناعا ورنالاسىپ، وليمپيادا ويىندارىن تاماشالايتىن بولادى. سونداي-اق، ۇيىمداستىرۋشىلار 1,8 ميلليون يەنگە تەك اشىلۋ جانە جابىلۋ سالتاناتىن تاماشالاۋعا مۇمكىندىك بەرەتىن بيلەتتەردى ۇسىنادى.
جاپونيانىڭ شامامەن 5,12 ميلليون تۇرعىنى 2020-جىلعى 24- شىلدە مەن 9- تامىز ارالىعىندا وتەتىن وليمپيادا ويىندارىنا بيلەتتەردى ساتىپ الىپ قويعان.