موڭعوليادا قازاقستان ساربازدارى «ات مارافونى» بايقاۋىنا قاتىسۋعا دايىن
موڭعوليا قارۋلى كۇشتەرى بىرىككەن وقۋ- جاتتىعۋ ورتالىعىنىڭ بازاسىنا كەلگەن ساتتەن باستاپ ءبىزدىڭ كوماندا تولىق تانىستىرىلىم مارشرۋتىنان ءوتتى. كوماندالار بايقاۋ مارشرۋتتارى بويىنشا جول جۇرگەن كەزدە ات مارافونىنىڭ كەزەڭدەرى وتەتىن جەردىڭ لاندشافتىمەن تانىسىپ، جەرەبە تاستاۋ ارقىلى جىلقىلاردى ىرىكتەدى، اتپەن ءجۇرۋ ءۇشىن ولاردى جۇگەندەپ، ەرتتەدى.
قاتىسۋشىلار مەن باپكەرلەر شتابى ءجۇرۋ جىلدامدىعىن ەمەس، بايقاۋ كەزەڭدەرىن دۇرىس ءارى ساپالى ورىنداۋدا شەبەرلىكتەرىن ۇشتادى.
قازاقستان قۇراماسى ۋاقىت پەن اۋا رايىنداعى ايىرماشىلىققا قاراماستان بىردەن بەيىمدەلىپ، جاتتىعۋلار بارىسىندا قيىندىقتارعا تاپ بولمادى. كەزەك بويىنشا قازاقستان كومانداسى قاشىقتىققا اتپەن شابۋ بايقاۋىندا ءبىرىنشى بولىپ شىقپاق. ودان كەيىن قىرعىزستان قۇراماسى مەن موڭعوليا شىقسا، رەسەي كومانداسى بۇل سايىستى تۇيىندەيدى.
ايتا كەتەيىك، ات مارافونى 3-8 - تامىز ارالىعىندا وتەدى. بايقاۋ ءتورت كەزەڭنەن، ياعني، دايىندىق، ات مارافونى، قىسقا قاشىقتىققا ارالاس ەستافەتا جانە شەشۋشى كەزەڭنەن تۇرادى.
