پاۆلوداردا قاتتى داۋىل تۇرعىن ۇيلەر مەن عيماراتتاردىڭ شاتىرىن جۇلىپ اكەتتى
وبلىستىق ت ج د باسپا ءسوز قىزمەتىنىڭ مالىمەتىنشە، استانا كوشەسى، 143-مەكەنجايى بويىنشا «دوم پەچاتي» جانە زەلەنستروي شاعىناۋدانىنداعى دونەنتايەۆ كوشەسى، 3 -مەكەنجايى بويىنشا جەكە تۇرعىن ءۇيدىڭ شاتىرلارى ۇشىپ كەتكەن. - ازىرگە باسقا مەكەمە-ۇيىمدار مەن اۋدانداردان داۋىل سالدارىنان زارداپ شەككەنى تۋرالى حابارلاما تۇسپەدى. قازىرگى تاڭدا ت ج د قىزمەتكەرلەرى مەن تەحنيكالار وقيعا ورنىنا شىعۋدا، - دەيدى دەپارتامەنتتە.
دەسە دە، الەۋمەتتىك جەلى قولدانۋشىلارى قالانىڭ باسقا نۇكتەلەرىنەن دە ۇشىپ كەتكەن شاتىرلار تۇسىرىلگەن سۋرەتتەر مەن ۆيدەولاردى جاريالاۋدا.
ازىرگە داۋىل سالدارىنان كەلتىرىلگەن شىعىن كولەمى بەلگىسىز.
ايتا كەتەرلىگى، «112» قىزمەتى پاۆلودار وبلىسىندا 2 تامىز كۇنى جەلدىڭ ۇيىتقۋى سەكۋندىنا 15-28 مەترگە دەيىن جەتەتىنى تۋرالى ەسكەرتكەن بولاتىن.