تايلاندتاعى جارىلىستا قازاقستاندىقتار زارداپ شەككەن جوق – س ءى م

«الدىن الا اقپاراتقا سايكەس، بىرنەشە قوعامدىق ورىندا كىشىگىرىم جارىلىس تىركەلدى، ونىڭ ىشىندە ۇكىمەت عيماراتتارى كەشەنىنىڭ جانىندا، قوناق ۇيلەردىڭ ءبىرىنىڭ كىرەبەرىسىندە، مەترو ستانتسياسىنىڭ جانىندا، سونداي-اق بانگكوك كوشەلەرىنىڭ جاياۋ جۇرگىنشىلەر ايماعىندا. زارداپ شەككەندەر مەن اۋىر جاراقات العاندار جوق. تاڭەرتەڭ كوشەلەردى تازالاپ جاتقان جەرگىلىكتى كوممۋنالدىق قىزمەتتىڭ ەكى قىزمەتكەرى جانە ءبىر جولاۋشى جەڭىل جاراقات الدى» دەلىنگەن حابارلامادا.
زارداپ شەككەندەر اراسىندا شەتەلدىكتەر، ونىڭ ىشىندە قازاقستان ازاماتتارى جوق. باسقا مالىمەتتەر تۋرالى حابارلانبادى.
قازىرگى تاڭدا بانگكوكتاعى ق ر ازاماتتارىنا قاۋىپسىزدىك شارالارىن، جەرگىلىكتى بيلىك ورگاندارىنىڭ تالاپتارىن قاتاڭ ساقتاۋعا جانە حالىق كوپ جينالاتىن جەرلەردەن تىس بولۋعا كەڭەس بەرەمىز. قانداي دا ءبىر توتەنشە جاعداي تۋىنداعان جاعدايدا، تەز ارادا قازاقستان ەلشىلىگىنە حابارلاسۋى قاجەت.