سىبىردەگى ورمان ءورتىن ءسوندىرۋ ءۇشىن اسكەريلەر جۇمىلدىرىلدى

نۇر-سۇلتان. قازاقپارات - سىبىردە ورمان ءورتى ءورشىپ تۇر. اقپارات كوزدەرىنىڭ حابارلاۋىنشا، قىزىل جالىن الياسكا مەن كاناداعا جاقىنداپ قالدى. رەسەيدىڭ قورعانىس مينيسترلىگى وڭىرگە اسكەري 10 ۇشاق پەن 10 تىكۇشاقتى جىبەردى.

ماماندار 3 ميلليون گەكتارعا جۋىق جەر كۇلگە اينالعانىن ايتادى. ونىڭ 1,7 ميلليونى يركۋتسك پەن كراسنويارسك وبلىسىنا جاتادى.

سەرگەي ابانين، رەسەيدىڭ توتەنشە جاعداي مينيسترلىگىنىڭ وكىلى:

- ورمان ءورتىنىڭ ۋشىعۋى اپتاپ ىستىق پەن قۋاڭشىلىقتىڭ سەبەبىنەن بولىپ وتىر. سونىمەن قاتار كەيبىر ءورت وشاقتارىنىڭ تولىقتاي سونبەۋى دە سەبەپ. ءورتتى اۋىزدىقتاۋ ءۇشىن ماماندار پيروپاترون ارقىلى جاساندى جولمەن جاۋىن جاۋدىرۋدى جوسپارلاپ وتىر.

ال رەسەيدىڭ تەرگەۋ كوميتەتى كراسنويارسك وڭىرىندەگى كەيبىر جاۋاپتى لاۋازىمدى ادامدارعا قاتىستى ءورتتى ۋاقىتىلى سوندىرمەگەنى ءۇشىن قىلمىستىق ءىس قوزعادى.

www.24.kz