ا ق ش يراننىڭ سىرتقى ىستەر مينيسترىنە سانكسيا سالدى

نۇر-سۇلتان. قازاقپارات - ا ق ش يراننىڭ سىرتقى ىستەر ءمينيسترى جاۆاد زاريفكە سانكسيا سالدى. شەكتەۋ شاراسى زاريفتىڭ ا ق ش اۋماعىندا ورنالاسقان فيرمالارداعى نەمەسە امەريكالىق ۇيىمداعى اكتيۆتەرىن بۇعاتتاۋمەن بايلانىستى. بۇل تۋرالى 31 - شىلدەدە ا ق ش قارجى مينيسترلىگى حابارلادى.
None
None

ا ق ش مەملەكەتتىك حاتشىسى كەڭسەسىنىڭ مالىمدەمەسىندە يراننىڭ يادرولىق باعدارلاماسىن شەكتەۋدى ۇلعايتۋ جونىندە دە ايتىلعان.

ۆاشينگتون اكتيۆتەردى بۇعاتتاۋدان وزگە زاريفتىڭ ا ق ش- قا بارۋىنا دا تىيىم سالماق. ونىڭ ەندىگارى ب ۇ ۇ- نىڭ نيۋ- يوركتەگى كەڭسەسىنە عانا بارۋىنا مۇمكىندىگى بار.

زاريف Twitter- دە ءوزىن يراننىڭ نەگىزگى وكىلى دەپ تۇسىنگەندىكتەن سانكسيا سالدى دەپ ايتقان. «بۇل ماعان جانە وتباسىما اسەر ەتپەيدى، سەبەبى مەنىڭ يراننان تىس جەردە مەنشىگىم دە، مۇددەم دە جوق» دەپ جازعان.

بيىل مامىر ايىندا امەريكا مەن يران اراسىنداعى قارىم- قاتىناس ودان سايىن ۋشىعىپ، كونفرونتاتسيا ۇلعايا ءتۇستى. امەريكا پارسى شىعاناعىنا اسكەري كەمەلەرىن اتتاندىردى. يران شىعاناقتاعى ورمۋز بۇعازىن جاۋىپ تاستاۋى مۇمكىن ەكەنىن ەسكەرتتى. سوعان قاراماستان ازىرگە ەكى جاق سوعىس ىقتيمالدىعىن جوققا شىعارىپ، ءبىر- بىرىنە ەسكەرتۋ جاساۋمەن كەلەدى.

www.azattyq.org

سوڭعى جاڭالىقتار