ءماجىلىس ءتوراعاسى نىعماتۋلين اباي ولەڭدەرىن وقۋ ەستافەتاسىن وزبەكستاندىق ارىپتەسىنە جولدادى
پالاتا سپيكەرى ەستافەتانى حالىقتىڭ سۇيىكتىسى، بۇكىل الەمگە قازاق مادەنيەتىن تانىتقان، اتى اڭىزعا اينالعان وپەرا ءانشىسى بيبىگۇل تولەگەنوۆادان قابىلدادى. نۇرلان نىعماتۋلين ۇلى اباي بۇگىندە تەك قازاق حالقىمىز عانا ەمەس، بۇكىل الەم ءۇشىن دە كەمەڭگەر تۇلعاعا اينالعانىن ايتىپ، اباي اتامىزدىڭ ولەڭدەرى، ابايدىڭ «قارا سوزدەرى» ادام بالاسىن ەرىنبەي ەڭبەك ەتۋگە، بەرەكەلى ءومىر سۇرۋگە، ونەرلى، ءبىلىمدى جانە قايىرىمدى بولۋعا شاقىراتىنىنا نازار اۋداردى.
«وسى جولدا ۇلى اقىننىڭ ۇرپاققا قالدىرعان وسيەت سوزدەرى ەشقاشان ەسكىرمەيتىن جانە تاۋسىلمايتىن مول قازىنا. سونىمەن بىرگە، ەگەمەن ەلىمىزدىڭ دامۋ جولىندا رۋحاني تىرەك بولاتىن التىن مۇرامىز. سوندىقتان، قانشا جىلدار، قانشا عاسىرلار وتسە دە اباي شىعارمالارى ءارقاشاندا ماڭىزدى» - دەدى ءماجىلىس ءتوراعاسى.
«نۇرلان نىعماتۋلين بۇگىندە دۇنيەجۇزىنە تارالعان اباي ەستافەتاسى جۇرەگى ەلىم دەپ، جەرىم دەپ سوعاتىن ءاربىر ازاماتقا رۋح بەرەتىن، جىگەر بەرەتىن ەرەكشە باستاما دەپ ەسەپتەيمىن»، - دەدى.
پالاتا سپيكەرى ن. نىعماتۋلين اباي قۇنانباي ۇلىنىڭ ولەڭىن وقىپ، بۇل ماڭىزدى شارانى ودان ءارى جالعاستىرۋ ءۇشىن وزبەكستاندىق ارىپتەسى وزبەكستان پارلامەنتىنىڭ سپيكەرى، وزبەكستان وليي ءماجليسىنىڭ زاڭ شىعارۋ پالاتاسىنىڭ ءتوراعاسى - نۋردينجون يسمويلوۆكە جولدادى. ايتا كەتۋ كەرەك، اكتسيانىڭ ماقساتى - قازاقتىڭ ۇلى اقىنى اباي قۇنانبايەۆتىڭ شىعارمالارىنان ءۇزىندى وقۋ.
ايتا كەتەيىك، ق ر پرەزيدەنتى قاسىم-جومارت توقايەۆ 9 جاسار مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكەجانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى. كەيىننەن اتالمىش ەستافەتانى، ەلىمىزدىڭ وڭىرلەرىنىڭ باسشىلارى، ديپلوماتيالىق وكىلدىكتەردىڭ قىزمەتكەرلەرى، ب ا ق وكىلدەرى، ونەر ادامدارى، شەتەلدىكتەر دە قولداپ، اباي ولەڭدەرىن وقىپ، شىعارمالارىن ورىندادى.