ءبىلىم مينيسترلىگى تالاپكەرلەر اراسىندا تانىمال جوعارى وقۋ ورىندارىن اتادى

نۇر- سۇلتان. قازاقپارات – ق ر ءبىلىم جانە عىلىم ۆيتسە- ءمينيسترى فاتيما جاقىپوۆا قانداي جوعارى وقۋ ورىندارى تالاپكەرلەر اراسىندا سۇرانىس يە ەكەندىگىن ايتىپ بەردى، دەپ حابارلايدى قازاقپارات ءتىلشىسى.

«بۇل رەتتە، ءداستۇرلى تۇردە ۇلتتىق ۋنيۆەرسيتەتتەر جوعارى سۇرانىسقا يە. وسى ورايدا ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن، ءال- فارابي اتىنداعى قازاق ۇلتتىق ۋنيۆەرسيتەتىن اتاپ وتكەن ءجون. سونىمەن قاتار، وڭىرلەردەگى ءىرى جوعارى وقۋ ورىندارىنا تاپسىرعان جاستاردىڭ قاراسى قالىڭ. ياعني م. اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى، ش. ەسەنوۆ اتىنداعى كاسپيي مەملەكەتتىك تەحنولوگيالار جانە ينجينيرينگ ۋنيۆەرسيتەتى، ق. جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتى بار»، - دەدى ۆيتسە- مينيستر ەلوردادا وتكەن بريفينگتە.

مۇنىمەن قوسا، بيىل تاعى بىرنەشە ۋنيۆەرسيتەت تانىمال بولعان.

«بيىل العاش رەت نۇر- سۇلتان قالاسىنداعى حالىقارالىق ІТ- ۋنيۆەرسەتەت ءوز ەسىگىن اشتى. بۇل جوعارى وقۋ ورنىنا ايتارلىقتاي جوعارى سۇرانىس بولدى. قازاقستان- بريتان تەحنيكالىق ۋنيۆەرتيتىنە دە سۇرانىس ارتتى. ال تەحنيكالىق باعىتتاعى ۇلتتىق ۋنيۆەرسيتتەر اراسىندا ق. ي. ساتبايەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتىن اتاپ وتۋگە بولادى»، - دەدى ف. جاقىپوۆا.

بۇدان بۇرىن حابارلانعانداي، بۇگىن 2019 -جىلعى مەملەكەتتىك ءبىلىم گرانتى يەگەرلەرىنىڭ تولىق ءتىزىمى جاريالاندى.

اۆتور: رۋسلان عابباسوۆ