كوپبالالى وتباسىلاردىڭ بالالارىنا ءبىلىم گرانتى قالاي بولىنەدى

نۇر- سۇلتان. قازاقپارات - كوپبالالى وتباسىلاردىڭ بالالارى قوسىمشا كونكۋرس اياسىندا ءبىلىم گرانتىن الا الادى. بۇل تۋرالى ەلوردادا وتكەن بريفينگتە ق ر ءبىلىم جانە عىلىم ۆيتسە- ءمينيسترى فاتيما جاقىپوۆا ءمالىم ەتتى، دەپ حابارلايدى قازاقپارات ءتىلشىسى.

«قازاقستان پرەزيدەنتىنىڭ تاپسىرماسى بويىنشا قوسىمشا 5 مىڭ گرانت ءبولىندى. ول گرانتتار جەرگىلىكتى اتقارۋشى ورگاندارمەن 5-10 - تامىز ارالىعىندا بەرىلەدى. جالپى رەسپۋبليكالىق كونكۋرس بويىنشا گرانتتى يەلەنبەگەندەر قوسىمشا كونكۋرسقا قاتىسۋ مۇمكىندىگىنە يە بولادى. ولار 53785 گرانتتىڭ ىشىنە كىرمەيدى»، - دەدى ۆيتسە- مينيستر.

ەسكە سالا كەتەيىك، بيىل ماۋسىم ايىندا مەملەكەت باسشىسى قاسىم- جومارت توقايەۆ كوپبالالى جانە از قامتىلعان وتباسىلاردىڭ بالالارىنا 5 مىڭ ءبىلىم گرانتى بولىنەتىنىن ايتتى.

«بيىلعى جىلدىڭ 1 - قىركۇيەگىندە از قامتىلعان جانە كوپبالالى وتباسىلاردىڭ بالالارى ءۇشىن جوعارى وقۋ ورىندارىنا قوسىمشا 5 مىڭ ءبىلىم گرانتى بولىنەتىن بولادى. ازىرشە 5 مىڭ، ودان كەيىن بۇل جۇيە جۇمىس ىستەيتىن بولسا، كورە جاتارمىز»، - دەدى ق. توقايەۆ.

بۇعان دەيىن ق ر ءبىلىم جانە عىلىم ءمينيسترى اسحات ايماعامبەتوۆ كوپبالالى وتباسى بالالارىنا ارنالعان 5 مىڭ گرانت قالاي بەرىلەتىنىن ايتقان ەدى.

اۆتور: رۋسلان عابباسوۆ