باتىر جۇكەمبايەۆ ەكس-چەمپيونمەن جۇدىرىقتاسادى
بۇل تۋرالى ول ءوزىنىڭ facebook پاراقشاسىندا حابارلادى.
«اسسالاۋماعالەيكۇم بارشاڭىزعا! مەنىڭ كەلەسى جەكپە-جەگىم 26-قىركۇيەكتە. ەكس-چەمپيونمەن وتەتىن ايقاسىم - مەن ءۇشىن ۇلكەن سىناق! اللا قالاسا الەم چەمپيونى اتانۋ دەيتىن ۇلى ماقساتىما ءبىر تابان جاقىنداي تۇسەمىن. ول قانشا ازۋلى بولسا دا، قازاق ەلىنىڭ نامىسى ماعان كۇش-قۋات سىيلايدى! قولداۋلارىڭىزعا راحمەت!»، دەپ جازدى ول جەكە پاراقشاسىندا.
تولىقتىرىپ ايتا كەتسەك، جۇكەمبايەۆ كەلەسى ايقاسىن مەكسيكالىق 32 جاستاعى ميگەل ۆاسكەسقا (41-8، 15 ك و) قارسى وتكىزەدى. ول 2010-2014 ارالىعىندا جەڭىل سالماقتا IBF تۇجىرىمى بويىنشا الەم چەمپيونى بولعان. جەكپە-جەك - ءبىرىنشى ورتا سالماقتا 10 راۋندتان تۇرادى.
ايتا كەتەيىك، 26- قىركۇيەكتە وتەتىن بوكس كەشىندە تاعى ءۇش قازاقستاندىق سپورتشى ونەر كورسەتەدى: سادريددين احمەدوۆ (9-0، 8 ك و)، نۇرزات سابىروۆ (10-0، 9 ك و) جانە امان قازانعاپوۆ (0-0-1). ولاردىڭ قارسىلاستارى كەيىن انىقتالادى.
اۆتور: كۇنسۇلتان وتارباي