جەرورتا تەڭىزى ەۋروپاداعى ەڭ لاستانعان تەڭىز دەپ تانىلدى
بۇل وزگەرىس پلاستماسسا ءوندىرىسىنىڭ وسۋىنە بايلانىستى، سونداي-اق 2008-جىلى ە و- نىڭ تەڭىز تابيعاتىن قورعاۋ ساياساتى قولعا الىنىپ، جاڭا زاڭناما قابىلداعان سوڭ تەڭىز قوقىستارىنىڭ جۇيەلى تۇردە انىقتالۋىنا قاتىستى.
لاس تانۋ دەڭگەيىنىڭ ءوسۋى تاڭ قالدىرماۋى ءتيىس. بۇعان دەيىن Nature Communication جۋرنالىندا جاريالانعان زەرتتەۋدە 1957 مەن 2016-جىلدار ارالىعىندا «الەمدىك تەڭىزدەردەگى پلاستماسسالاردىڭ ۋاقىتتىق ۇردىستەرى مەن تارالۋى» تالدانعان بولاتىن. سول زەرتتەۋدىڭ وزىندە-اق 1990-جىلدارى تەڭىزدە پلاستيك قالدىقتارىنىڭ كوپ كولەمدە جينالىپ قالعانى ايتىلعان.
جەرورتا تەڭىزىنىڭ تۇبىندە قابات قۇرايتىن قالدىقتاردىڭ %60 سومكەلەردەن، بوتەلكەلەردەن، قۇتىلار مەن قاپتاۋىشتاردان، بالىق اۋلايتىن اۋ مەن كيىم-كەشەكتەن تۇرادى.
قالدىقتاردىڭ تارالۋ كوزدەرى كوپ، ولارعا كوممەرتسيالىق نەمەسە تۋريستىك قايىقپەن ءجۇزۋ، بالىق اۋلاۋ، بالىق ءوسىرۋ ءىسى، قوقىستار، ونەركاسىپتىك نەمەسە قالالىق اۋداندار جاتادى.
جىل سايىن تەڭىزگە 8 ميلليون توننا پلاستماسس تاستالادى، ولاردىڭ 200 مىڭ تونناسى جەرورتا تەڭىزىنە كەلەدى. ادامزاتتىڭ بۇل ارەكەتى تەڭىز فلوراسى مەن فاۋناسىنا كەرى اسەرىن تيگىزەدى.