بۇگىن ءبىلىم بەرۋ گرانتىنا يە بولعانداردىڭ اتى-جوندەرى بەلگىلى بولادى – ب ع م
باسپا ءسوز قىزمەتىنىڭ مالىمەتىنشە، بايقاۋ ناتيجەسىن ۇلتتىق تەستىلەۋ ورتالىعى، «ەگەمەن قازاقستان»، «كازاحستانسكايا پراۆدا» سايتتارىندا جانە «بايقاۋدىڭ ناتيجەسىن (ۋزناي رەزۋلتاتى كونكۋرسا) » تەلەگرام-بوتتا كورۋگە بولادى.
«گرانتتاردى ۇلەستىرۋ ءۇردىسى تولىعىمەن اۆتوماتتاندىرىلعان جانە اقپاراتتىق جۇيە ارقىلى جۇزەگە اسىرىلادى، ناتيجەسىندە ادامي فاكتور تولىقتاي جويىلعان. سونىمەن بىرگە، مەملەكەتتىك ورگاندار، «اتامەكەن» ق ر ۇلتتىق كاسىپكەرلەر پالاتاسى، جوعارى وقۋ ورىندارى قاۋىمداستىعى، رەكتورلار كەڭەسى، بۇقارالىق اقپارات قۇرالدارى، «جاس وتان» جاستار قاناتى، ستۋدەنتتەر اليانسى، ۇكىمەتتىك ەمەس ۇيىمدار، «ADAL BILIM» جوبالىق كەڭسەسىنىڭ وكىلدەرىنەن قۇرالعان رەسپۋبليكالىق كوميسسيا بارلىق پروتسەستەردى باقىلادى»، دەلىنگەن مينيسترلىك تاراتقان حابارلامادا.
باسپا ءسوز قىزمەتىنىڭ مالىمەتىنشە، 2019-جىلدان باستاپ گرانتتار ءبىلىم بەرۋ توپتارى بويىنشا تاعايىندالادى. ياعني ءار تالاپكەر وقۋعا تۇسەر كەزدە ناقتى ءبىلىم بەرۋ باعدارلاماسىن تاڭدايدى.
سونىمەن قاتار، ءۇش جىلدان بەرى «التىن بەلگى» توسبەلگىسىنىڭ يەگەرلەرى، جالپى ءبىلىم بەرۋ پاندەرىنەن حالىقارالىق جانە رەسپۋبليكالىق وليمپيادالار جەڭىمپازدارى، جالپى ءبىلىم بەرۋ پاندەرىنەن حالىقارالىق جانە رەسپۋبليكالىق عىلىمي جارىستاردىڭ جەڭىمپازدارى، رەسپۋبليكالىق جانە حالىقارالىق سپورتتىق جارىستاردىڭ جەڭىمپازدارى تەك ۇ ب ت بالدارى تەڭ بولعان جاعدايدا عانا ارتىقشىلىق قۇقىققا يە بولادى. باسقا جاعدايدا بارلىعىمەن تەڭ دارەجەدە گرانتتىق كونكۋرسقا تۇسەدى.
ەسكە سالا كەتسەك، 2019-جىلدان باستاپ ءبىلىم بەرۋ گرانتتارى ماۋسىم ايىندا وتكىزىلەتىن ۇ ب ت سەرتيفيكاتىنىڭ بالدارىنا سايكەس كونكۋرستىق نەگىزدە بەرىلەتىن بولادى.