قازاقستاندىق سپورتشى ارالاس جەكپە-جەكتەن الەمدەگى ەڭ بەدەلدى ۇيىمىمەن كەلىسىمگە قول قويدى
بۇل تۋرالى سپورتشىنىڭ مەنەدجەرى سايات ءابدىراحمانوۆ حابارلادى.
- شاۆكات راحمونوۆ UFC- مەن كەلىسىمشارتقا قول قويىپ، ەڭ ۇزدىك م م ا ۇيىمىمەن كەلىسىمشارتقا وتىرعان تۇڭعىش قازاقستاندىق سپورتشى اتاندى. العاشقى جەكپە-جەك قاراشا ايىنا جوسپارلانعان. شاۆكات UFC- دەگى ءبىرىنشى قازاقستاندىق سپورتشى، ءبىراق سوڭعىسى ەمەس ەكەنىنە سەنىمدىمىن، - دەپ جازدى مەنەدجەرى ءوزىنىڭ Instagram پاراقشاسىندا.
وكتاگوندا قارسىلاسىنا ەسە جىبەرىپ كورمەگەن قازاقستاندىق سپورتشىعا بۇعان دەيىن دە UFC- دەن ۇسىنىس تۇسكەن بولاتىن. الايدا ول كەزدە M-1 Global چەمپيوندىق بەلبەۋىن جەڭىپ الۋدى ماقسات ەتكەن بولاتىن.
شاۆكات راحمونوۆ جارتىلاي ورتا سالماقتاعى M-1 Global چەمپيوندىق بەلبەۋىن 30- ناۋرىز كۇنى رەسەيلىك دانيلا پريكازامەن وتكەن جەكپە-جەكتە جەڭىپ الدى. اراعا ءۇش اي سالىپ نۇر-سۇلتان قالاسىندا وتكەن ارالاس جەكپە-جەك كەشىندە بەلبەۋىن برازيليالىق تياگو لاسەرداعا قارسى ايقاستا قورعاپ قالدى.
ايتا كەتەيىك، وسىعان دەيىن UFC تۋرنيرلەرىندە قازاقستاندىق بىردە-ءبىر سپورتشى باق سىناماعان. شاۆكات راحمونوۆ قازاقستاندىق سپورتشىلاردىڭ اراسىنان ءبىرىنشى بولىپ الەمنىڭ ەڭ بەدەلدى ۇيىمىمەن كەلىسىمشارتقا قول قويدى.
قازاقستاندىق جانكۇيەرلەر جاقىن ۋاقىتتا UFC- دەن وتانداسىمىز ماريا اگاپوۆانى (6-0) دا كورىپ قالۋى مۇمكىن. وعان بۇل ۇيىممەن كەلىسىمشارتقا قول قويۋ ءۇشىن ۇيىم باسشىسى دانا ۋايتتىڭ شوۋىندا امەريكالىق ترەيسي كورتەستى (5-1) جەڭۋى كەرەك. جەڭگەنى ۇيىممەن كەلىسىمگە قول قويادى.
Ultimate Fighting Championship- ارالاس جەكپە-جەكتەن الەمدەگى ەڭ بەدەلدى ءارى تانىمال سپورتتىق ۇيىم.
باس كەڭسەسى ا ق ش- تىڭ لاس-ۆەگاس قالاسىندا ورنالاسقان. بۇگىندە UFC- ءدىڭ كەز- كەلگەن جەكپە-جەك كەشى الەمنىڭ تۇكپىر-تۇكپىرىنەن جۇزدەگەن تەلەارنالار ارقىلى ميلليونداعان جانكۇيەر جينايتىن اۋقىمدى شاراعا اينالعان.
كاسىپقوي ەرەجەسىز جەكپە-جەك شەبەرلەرى وسى ۇيىم اياسىندا باق سىناۋدى ماقسات تۇتادى.
Massaget.kz