ەلوردادا «بوزوق» تاريحي-مادەني قورىعى اشىلادى
«مادەنيەت جانە سپورت ءمينيسترى اقتوتى رايىمقۇلوۆامەن ناتيجەلى كەزدەسۋ بولدى. كەزدەسۋ بارىسىندا «بوزوق» مەملەكەتتىك تاريحي-مادەني قورىعىن دامىتۋ بويىنشا بىرلەسكەن جوسپارعا قول قويدىق. نىساننىڭ جوبالىق- سمەتالىق قۇجاتتاماسىن ينفراقۇرىلىمداردى جاساقتاۋدان كەيىن، ياعني 2020-جىلى ازىرلەۋدى جوسپارلادىق»، - دەپ جازدى اكىم ءوزىنىڭ رەسمي Instagram پاراقشاسىندا.
جوبانىڭ باستى ماقساتى - «بوزوق» قالاشىعىن قالپىنا كەلتىرىپ، ارحەولوگيالىق پارك قۇرۋ.
سونىمەن بىرگە، اكىم تۋريزم سالاسىن دامىتۋ ماسەلەلەرى بويىنشا ءبىرقاتار جوبالاردىڭ جوسپارلانعانىن جەتكىزدى.
ايتا كەتسەك، بوزوق قالاشىعى استانا قالاسىنىڭ اۋماعىندا، بوزوقتى وزەنىنىڭ شىعىس جاعالاۋىندا ورنالاسقان. X- XI عاسىرلاردا بوزوق ايماقتىڭ اكىمشىلىك جانە ساۋدا ورتالىعى، سونداي-اق ۇلى جىبەك جولى بويىنداعى قازاق بيلەۋشىلەرىنىڭ اسكەري بازاسى بولعان.
بىلتىر استانا قالاسىنىڭ اكىمى بولعان باقىت سۇلتانوۆ بوزوق قالاشىعىنىڭ 3D- مودەلى جاسالاتىنىن جاريالاعان بولاتىن.