ايەلىن سوققىعا جىققان باۋىرجان اشىعاليەۆ قاماۋعا الىندى

الماتى. قازاقپارات - الماتى پوليتسياسى ايەلىن سوققىعا جىققان گيتاراشى باۋىرجان اشىعاليەۆتى ۋاقىتشا ۇستاۋ يزولياتورىنا قاماۋعا الدى، دەپ حابارلايدى قازاقپارات ءتىلشىسى.

الماتى پوليتسيا دەپارتامەنتى ب. اشىعاليەۆتى ق ر ق ك-نىڭ 128-بابى بويىنشا ۋاقىتشا ۇستاۋ يزولياتورىنا قامادى.

تاياۋ ارادا ونىڭ ءىسى سوتقا جىبەرىلەدى. تەرگەۋ كەزىندە ول قاماۋدا بولادى.

ەسكە سالايىق، ب. اشىعاليەۆتىڭ ۇستىنەن ق ر ق ك 126-بابىنىڭ 2-بولىگى بويىنشا قىلمىستىق ءىس قوزعالدى.

«Jackpot» توبىنىڭ ءانشىسى كسەنيا اشىعاليەۆا مەن ونىڭ كۇيەۋى، گيتاريست باۋىرجان اشىعاليەۆتىڭ اراسىنداعى وتباسىلىق داۋ-جانجال كوپشىلىكتىڭ نازارىنا ىلىككەن ەدى. ءانشى ءوزىنىڭ باسىنان وتكەن جايتتى الەۋمەتتىك جەلى ارقىلى جاريالادى. ونىڭ ايتۋىنشا، كۇيەۋى ونى جەرتولەگە اپارىپ، ۇرىپ-سوققان.

اۆتور: الما مۇقانوۆا