ءار نارسەنىڭ سوڭى بولادى - عابيدوللا ءابدىراحىموۆ شىمكەنتتىكتەرگە العىس ايتتى
«قۇرمەتتى شىمكەنت قالاسىنىڭ تۇرعىندارى! قىمباتتى دوستار! مەن ءۇشىن شىمكەنت قالاسىنىڭ اكىمى بولىپ جۇمىس ىستەگەنىم - ۇلكەن مارتەبە جانە ماقتانىش. وسىنداي مۇمكىنشىلىك بەرگەن ەلباسىمىزعا، پرەزيدەنتىمىزگە العىس ايتامىن. قولدان كەلگەنشە قالانىڭ دامۋىنا ارىپتەستەرمەن بىرگە اتسالىستىم. مەن شىمكەنت حالقىنا وتە ريزامىن. سىزدەر ءارقاشان مەنى قولدادىڭىزدار. ءوزىمدى وتە باقىتتى ادام رەتىندە سەزىنىپ ءجۇردىم. ءار نارسەنىڭ سوڭى بولادى بۇل ومىردە. جاڭالىقتار دا بولادى. جاڭادان كەلگەن قالا باسشىسىنا ساتتىلىك تىلەيمىن. بارلىقتارىڭىزعا ۇلكەن العىس ايتىپ، باسىمدى يەمىن. امان بولىڭىزدار. شىمكەنت جايناي بەرسىن!»، - دەپ جازدى عابيدوللا ءابدىراحىموۆ Instagram پاراقشاسىنا.
ەسكە سالا كەتەيىك، بۇگىن مەملەكەت باسشىسىنىڭ جارلىعىمەن عابيدوللا ءابدىراحىموۆ شىمكەنت قالاسىنىڭ اكىمى لاۋازىمىنان بوساتىلدى. ونىڭ ورنىنا وسى كۇنگە دەيىن وتىرار اۋدانىن باسقارىپ كەلگەن ەرلان ايتاحانوۆ تاعايىندالدى. ال قىرىمبەك كوشەربايەۆ عابيدوللا ءابدىراحىموۆتىڭ بيلىك ارتقان سەنىمدى اقتاماعانىن ايتتى.