باننەر، حابارلاندىرۋ، جارنامادا قاتە جىبەرگەندەرگە ايىپپۇل سالىنۋى مۇمكىن
بۇل تۋرالى ق ر مادەنيەت جانە سپورت ۆيتسە- ءمينيسترى نۇرقيسا داۋەشوۆ ق ر ادىلەت مينيسترلىگىندە وتكەن زاڭ جوبالاۋ قىزمەتى ماسەلەلەرى جونىندەگى ۆەدومستۆوارالىق كوميسسيا وتىرىسىندا مالىمدەدى.
«كوشەلەردەگى كورنەكى اقپاراتتار، باننەرلەر، ماڭدايشالار، حابارلاندىرۋ، جارناما، باعا كورسەتكىشتەرى - قوعامدىق يدەولوگياعا اسەر ەتەتىن فاكتورلاردىڭ ءبىرى. كورنەكى اقپارات سانىنىڭ ارتۋى ولاردى ورنالاستىرۋدا زاڭ تالاپتارىنىڭ ساقتالماۋ فاكتىلەرىنە اكەپ سوعۋدا. اتاپ ايتقاندا، كورنەكى اقپاراتتاردىڭ تەك ءبىر تىلدە بەرىلۋى، دۇرىس اۋدارىلماۋى نەمەسە نەگىزگى مازمۇنىنىڭ ساقتالماۋى ءجيى بايقالادى»، - دەدى ول.
ۆيتسە- ءمينيستردىڭ ايتۋىنشا، بۇل جاعداي قالانىڭ ەستەتيكالىق كوركىنە كەرى اسەرىن تيگىزۋمەن قاتار، ءبىرقاتار كەلەڭسىزدىكتەر تۋدىردى. ەڭ الدىمەن، جەكە ازاماتتار تاراپىنان مەملەكەتتىك ورگاندارعا تۇسكەن شاعىمدار كوبەيگەن.
«دۇرىس راسىمدەلمەگەن كورنەكى اقپاراتقا قاتىستى جەرگىلىكتى اتقارۋشى ورگاندارعا 2016 -جىلى - 4665، 2017 -جىلى - 10 441، ال 2018 -جىلى - 12886 شاعىم تۇسكەن. بۇل رەتتە زاڭنامادا بەكىتىلگەن تىكەلەي قۇزىرەتتىڭ بولماۋىنا بايلانىستى ۋاكىلەتتى مەملەكەتتىك ورگاندار زاڭبۇزۋشىلىقتى دەر كەزىندە رەتكە كەلتىرە المادى. بۇل جەكەلەگەن ازاماتتاردىڭ مەمورگان جۇمىسىنا سەنىمسىزدىكپەن قاراۋىنا اكەپ سوقتى»، - دەپ ءوز ءسوزىن جالعاستىردى ن. داۋەشوۆ.
ەكىنشىدەن، رەسپۋبليكالىق، وڭىرلىك ب ا ق- تا جانە ينتەرنەتتە دۇرىس راسىمدەلمەگەن كورنەكى اقپاراتتار تۋرالى جاريالانىمدار سانى 2016 -جىلى – 175، 2017 -جىلى – 262، 2018 -جىلى - 397-گە جەتكەن.
سونداي- اق، كورنەكى اقپاراتتىڭ ءبىر تىلدە راسىمدەلۋىن نەمەسە دۇرىس اۋدارىلماۋىن ازاماتتار ق ر كونستيتۋتسياسىنىڭ 14-بابىندا بەكىتىلگەن قۇقىقتارىنا قىسىم جاساۋ دەپ سانايتىن داۋلى جاعدايلار تۋىنداعان.
«2017 -جىلى 26 - قازاندا ق ر تۇڭعىش پرەزيدەنتى - ەلباسىنىڭ قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى №569 جارلىعى شىققانى بەلگىلى. وسىعان وراي، كاسىپكەرلەردىڭ كەز كەلگەن كورنەكى اقپاراتتى لاتىن گرافيكاسىندا قاتە راسىمدەۋى بەلەڭ الدى. لاتىن گرافيكاسىندا قاتە جازىلعان كورنەكى اقپاراتتاردىڭ كوبەيۋى مۇنداي جاۋاپتى كەزەڭدە لاتىن گرافيكاسىنا دەگەن قاتە پىكىر مەن تەرىس كوزقاراس قالىپتاستىرادى. لاتىن گرافيكاسىنا كوشۋ جۇمىستارى باستالعان ساتتە كورنەكى اقپاراتتى راسىمدەۋدىڭ ورەسكەل ورفوگرافيالىق قاتەلەرى سيرەك تىركەلسە، 2018 -جىلى - 1919-عا جەتكەن»، - دەدى ن. داۋەشوۆ.
مۇنداي جاعدايلاردىڭ الدىن الۋ ءۇشىن سپيكەر ق ر «ءتىل تۋرالى» زاڭىنىڭ 21-بابىنداعى كورنەكى اقپاراتتى ورنالاستىرۋعا قويىلاتىن تالاپتاردى قاتاڭداتۋدى ۇسىندى.
«زاڭنىڭ بۇل بابىنا كورنەكى اقپاراتتىڭ ورفوگرافيالىق دۇرىس راسىمدەلۋىنە جانە بىرنەشە تىلدە بەرىلەتىن اقپارات اۋدارماسىنىڭ دالمە- دالدىگىنە قاتىستى تالاپتار مەن تولىقتىرۋلار ەنگىزۋ قاجەت. سونىمەن بىرگە، جەرگىلىكتى اتقارۋشى ورگانداردىڭ قۇزىرەتىنە كورنەكى اقپاراتتاردى ورنالاستىرۋدى مەملەكەتتىك باقىلاۋ بويىنشا جانە كورنەكى اقپاراتتارعا مونيتورينگ جاساۋ بويىنشا قۇزىرەت بەلگىلەۋ كەرەك. بۇل رەتتە مينيسترلىك كاسىپكەرلىككە اكىمشىلىك كەدەرگى كەلتىرمەۋ ءۇشىن پروفيلاكتيكالىق باقىلاۋ جانە قاداعالاۋ ەنگىزۋدى ۇسىنادى»، - دەدى سپيكەر.
ۆيتسە- ءمينيستردىڭ ايتۋىنشا، كورنەكى اقپاراتتى ورنالاستىرۋ ءتارتىبىن بۇزعاندارعا پروفيلاكتيكالىق ەسكەرتۋ جاسالادى. قاتە بەلگىلى ءبىر ۋاقىت ارالىعىندا تۇزەتىلمەسە، ەكىنشى رەت ەسكەرتۋ بەرىلەدى جانە تاعى قايتالانعان جاعدايدا اكىمشىلىك قۇقىق بۇزۋ كودەكسى اياسىندا ايىپپۇل سالىنادى.
اۆتور: ايجان سەرىكجان قىزى