قىز-كەلىنشەكتەر ءۇشىن ەڭ قاۋىپتى تۋريستىك ەلدەر انىقتالدى

نۇر-سۇلتان. قازاقپارات - Travel Industry Association ساراپشىلارى ساياحاتقا جالعىز شىعاتىن قىز-كەلىنشەكتەر ءۇشىن ەڭ قاۋىپتى ەلدەردى انىقتادى.

ساراپشىلاردىڭ سوزىنشە ايەلدەرگە قاراعاندا ەرلەرگە ساياحاتتاۋ جەڭىلىرەك ەكەن.

رەيتينگ جاساعاندا ايەلدەر ءۇشىن كوشەدەگى قاۋىپسىزدىك، ادام ءولتىرۋ، جىنىستىق زورلىق كورسەتۋ، كەمسىتۋ سياقتى فاكتورلار ەسكەرىلگەن. ناتيجەسىندە ەڭ قاۋىپتى ەل رەتىندە و ا ر تانىلعان. ودان كەيىن برازيليا، رەسەي، مەكسيكا، يران، دومينيكانا، مىسىر، ماروككو، ءۇندىستان مەن تايلاند بار.

ال ەڭ قاۋىپسىز ەلدەر يسپانيا، شۆەيتساريا، اۆستريا، يرلانديا جانە سينگاپۋر.

دەرەككوز: كوررەسپوندەنت