ۋكراينانىڭ بۇرىنعى پرەزيدەنتىمەن ونىڭ وتباسى ەكى ۇشاقپەن ۋكراينادان ۇشىپ كەتتى
وسىلايشا 28- شىلدە كۇنى كيەۆ - ستامبۇل رەيسىمەن جۋليانى اۋەجايىنان پەتر پوروشەنكو، الەكسەي پوروشەنكو، يۋليا پوروشەنكو (الەكسەيدىڭ جۇبايى) جانە ەليزاۆەتا پوروشەنكو (بۇرىنعى پرەزيدەنتتىڭ نەمەرەسى) ۇشىپ كەتكەن.
ۇشاق كيەۆتەن 18:47 دە شىعىپ، 20:22 دە ستامبۇلدا بولعان. سوسىن كوپ ۇزاماي 21:17 دە ستامبۇلدان ب ا ءا- نە اتتانىپ، ول جاقتا كيەۆ ۋاقىتىمەن 00:54 تە قونعان. ودان كەيىن ۇشاقتىڭ قايدا كەتكەنى بەلگىسىز.
ۋكراينانىڭ بۇرىنعى پرەزيدەنتى جانۇياسىنىڭ وزگە مۇشەلەرى: مارينا پوروشەنكو، ەۆگەنيا پوروشەنكو (قىزى)، ميحايل پوروشەنكو (ۇلى) جانە الەكساندرا پوروشەنكو (قىزى) – 23- شىلدە كۇنى كيەۆ - ميۋنحەن رەيسىمەن گەرمانياعا شىققان بولاتىن.
ايتا كەتەيىك پوروشەنكودان جاۋاپ الۋ ءۇشىن، ۋكراينانىڭ مەملەكەتتىك تەرگەۋ بيۋروسى ونى 12- تامىزعا شاقىرعان ەدى.
دەسە دە، بۇرىنعى پرەزيدەنت وتباسىمەن بىرگە مالديۆ ارالدارىنا دا بارۋى عاجاپ ەمەس. 2018-جىلى سول ارالعا وتباسىمەن بارعان پوروشەنكو شۋلى وقيعاعا ىلىككەن ەدى.
جۋرناليستەردىڭ حابارلاۋىنشا، ول سول ساپارى ءۇشىن ۋكراينا ەكس-پرەزيدەنتى جارتى ميلليون ا ق ش دوللارى كولەمىندە شىعىنعا باتقان.