قىرعىزستان پرەزيدەنتى «قومىز كۇنىن» بەكىتتى
قاۋلىدا اتاپ وتىلگەندەي، ءداستۇرلى مۋزىكانى قىرعىز حالقىنىڭ رۋحاني مادەنيەتىنىڭ اجىراماس بولىگى رەتىندە قومىزسىز ەلەستەتۋ مۇمكىن ەمەس.
«قازىرگى تاڭدا قومىز جاڭا ءمان- ماڭىزعا يە بولۋى قاجەت. ول قىرعىزستاندىقتاردىڭ مادەني الۋانتۇرلىلىگىنىڭ بىرلىگى سيمۆولىنا اينالۋى ءتيىس... وسى رەتتە، قىرعىزستاننىڭ ەتنيكالىق بىرلەستىكتەرىنىڭ مادەنيەتارالىق ديالوگىن كەڭەيتۋ ءۇشىن ءداستۇرلى مۋزىكانىڭ ءرولىن كۇشەيتۋ كەرەك»، - دەلىنگەن قۇجاتتا.
اتالعان باعىتتا ءتيىستى جۇمىستار جۇرگىزۋ ءۇشىن قىرعىز پرەزيدەنتى ەل ۇكىمەتىنە 9 -قىركۇيەكتى جىل سايىن اتالىپ وتەتىن قومىز كۇنى رەتىندە بەكىتۋدى ۇسىناتىن قاۋلىعا قول قويدى.
قاۋلى جاريالانعان كۇننەن باستاپ كۇشىنە ەنەدى. قىرعىز حالقىنىڭ اعاشتان جاسالاتىن ءۇش ىشەكتى، پەرنەسىز، شەرتىپ وينالاتىن ۇلتتىق مۋزىكالىق اسپابى.